港女愛著瑜伽褲出街？港男控訴太貼身裝扮不當 女網民6字霸氣反擊｜網絡熱話
廣告
近年愈嚟愈多女仔直接著瑜伽褲出街，貪其方便做運動又舒適，練完瑜伽又唔使換返衫。有網民就於討論區就問「點解咁多女仔鍾意著瑜伽褲？」，引嚟唔少網民回覆，更有女網民6字霸氣回覆！
撰文：熙燈喱｜圖片：Instagram｜資料來源：LIHKG、香港討論區
著瑜伽褲出街有失儀容？事主：「露晒妹妹個形狀出嚟」
事源網民發現最近有不少女生選擇著瑜伽褲外出，但認為瑜伽褲的布料應該是在做運動的時候著，而非外出穿著，明明有不少類型（碎花、麻／布質、蕾絲等）的衣服可選，就算想性感都可以著背心＋斜揹袋，或者貼身裙。由於瑜伽褲的剪裁較貼身，將身材表露無遺，更話「點解要著個露哂個妹妹形狀出黎嘅瑜伽褲出街啊？」
女網民6字反擊：「著咩關你咩事？」
帖文無論在年青人較多的 LIHKG、抑或香港討論區都得到不少迴響。有女網民表示：「著咩關你咩事？」，亦有人認為如果體態不完美，就不應穿瑜伽褲出街，因為只會暴露弱點！亦有網民反映，如果著肉色瑜伽褲，在街看過尤如無著褲一樣。
網民：大飽眼福 支持大家著多啲
不少男網民都無反對女生著瑜伽褲出街，相反鼓勵女孩子們著多啲，認為「每次出街都有嘢睇」，確實大飽眼福。
不過男生們都認為人哋女朋友著就得，如果自己女朋友著一定唔允許咁話，廢事畀人睇蝕晒！
女生角度：著住瑜伽褲好方便 落堂唔需要突登換衫
女生們就認為，著住瑜伽褲去做運動會比較方便，尤其大部分的瑜伽教室更衣室比較少，上落堂唔需要突登換衫。
著咩衫有自己嘅自由，最緊要揀舒適嘅衣服，如果唔想畀人睇蝕晒，著瑜伽褲時加番護墊或揀質地較好的瑜伽褲，都會較少顯露下體的形狀。
