玩具店被爆開假AC造假 1個行為托高價賣！網民恥笑：好肉酸｜玩樂熱話

Dec 23 2022

不少人都會買玩具收藏，最近有網民爆一間玩具拍賣網店，在Facebook搞競投拍賣，不過店主疑似在拍賣中造假，有網民爆料這間玩具店專門開假帳戶留言，托高貨品拍賣價。有網民更試過幫襯，發現貨品質量很差，事件引來不少網民熱議，有不少受害的顧客更大爆玩具店疑似造假的經過，勸一眾賣家要小心不要上當。

玩具拍賣網店被爆開假AC造假

最近有網民在Facebook「香港玩具假貨假店情報站」發文，樓主上載兩張照片，見到一間玩具拍賣網店正在拍賣Kamen Rider Build Great Cross-Z SHF Figure，留言中見到該店突然留言叫價$400，樓主表示「原來依家啲鋪頭會自己托價㗎？」，樓主指這間二手玩具店疑似在拍賣造假，店主似想以假ACC（假身份）托高價錢賣出，但錯手用公司帳戶叫價。

玩具店玩具最近有網民在Facebook「香港玩具假貨假店情報站」發文，樓主上載兩張照片，見到一間玩具拍賣網店正在拍賣Kamen Rider Build Great Cross-Z SHF Figure，留言中見到該店突然留言叫價$400。 — 最近有網民在Facebook「香港玩具假貨假店情報站」發文，樓主上載兩張照片，見到一間玩具拍賣網店正在拍賣Kamen Rider Build Great Cross-Z SHF Figure，留言中見到該店突然留言叫價$400。（圖片來源：Facebook@香港玩具假貨假店情報站）

專門開假身份托高價賣

該留言好快就被刪走，1分鐘後就有新帳戶以同一價錢出價，有網民截圖揭發該店疑似造假。有網民表示店主經常將貨品托高價錢再賣出，「啲貨下下都bid到同出面收嘅一樣，甚至仲高，真係拍賣會唔會一開始就晾到咁高，一係就天生奇才晾咁高，一係就開鬼ac/搵幫手洗橫手抬高價等自己唔好蝕」、「我都有落過，但永遠到最後一下都有人多我少少，有一次仲有人PM我話佢有，可以賣俾我」、「咁你呢單嘢賣家最少要有三個acc係身喎，一個開Po賣嘢，一個同你托市，最後見你停手就搵第三個acc同你講見你搶唔到賣俾你」。

網民爆中伏經過

有網民表示曾經幫襯過，但貨品質量差，「買過一次唔會再幫襯，之前上佢地度買一盒全新變形金剛，拎完返到去一睇先發覺兩隻手踭嘅ball join位都爆曬，賣之前完全冇同我講聲」、「之前試過響佢live留咗架開封美品build單車set，上去一開嚟check件嚇死人，車身花晒，好似俾沙紙磨過咁，一邊單車手柄仲要已經斷咗，車身花晒已經離譜，有斷件賣嗰陣都唔標明真係XXX，山長水遠入到去俾啲咁嘅貨我，依家講返都著晒，之後都無幫襯過」。