狗場被揭雪櫃藏20條狗屍 近200隻病犬毛髮打結雙眼發白｜網絡熱話

撰文：Evita ｜圖片：Monmouth County SPCA

狗場被揭雪櫃藏20條狗屍

根據《紐約每日新聞》報道，動物救援機構Monmouth County SPCA於本港時間6月11日接到通報，指在新澤西州亨特敦縣（Hunterdon County）發現20條狗屍，屍體被雪藏在雪櫃內。

同時，SPCA發現有188隻狗隻被困於狗場，有些正在懷孕，亦有很多狗隻生病。

不過令人心寒的是，當局表示涉事狗主曾在Westminster Kennel Club獲得「最佳飼養員」獎項，即是表面疼愛狗隻，背後卻做出如此過份的事，據知警方現正調查有關事件。

而SPCA在其Facebook發文分享狗狗情況，不少狗狗毛髮打結，有狗狗雙眼更模糊發白。SPCA表示狗狗現正需要進行治療及絕育等才可接受領養。

泰國小象太熱不支倒地

講起有關動物被虐待，根據《每日郵報》報道，有菲律賓遊客於上兩星期到泰國芭堤雅東芭樂園（Nong Nooch Tropical Garden）旅行時，拍攝到一隻小象頸被綁繩，連繫住被正在被遊客騎嘅象媽媽。

遊客指當日氣溫高達攝氏40度，期間小象可能因為太熱而倒地。不過小象瞓低唔夠半分鐘，象媽媽就用鼻掂一掂象仔示意起身工作。

遊客：「樂園內有很多小象被繩連繫母象走來走去，遊客們享受的背後就是象在陽光底下受苦。」

遊客同時表示擔心大小象嘅健康，甚至遭受虐待，希望佢哋可以得到妥善照顧。而東芭樂園發言人就否認大象受虐待或太攰，更話：「所有大象都好健康，待遇好，如果有問題會被獸醫治療。」

而早前就有一隻叫Dumbo嘅小象喺泰國南部嘅一場表演中去世，有指Dumbo每日被逼表演3次，飼養員帶佢到獸醫診所時掃描發現兩隻腳都斷了，再過多三日就去世。

好多時候我哋希望喺旅行中嘗試未試過嘅「玩樂」，但係希望大家喺作出決定前要先考慮動物或其他人嘅感受，以免再有更多同類事件發生。