小二生地鐵崩潰大叫：你知唔知我好辛苦 向港媽講足5分鐘「痛苦論」好可憐
廣告
香港人生活一向出名大壓力，因此不時都會有飽受人生折磨的人在交通工具上「爆發」的影片流出。繼最經典巴士阿叔之後，日前有網民就分享一名小學二年級女童在地鐵上連環炮發，向母親大爆5分鐘「辛苦論」的影片，片中女童聲嘶力竭，不斷指責母親等成年人不明白學業的壓力，又指自己「好辛苦先升到二年級」，獲不少網民深表同情，直指現時的小朋友返工「仲慘過返工」。
小二女學生地鐵發表「辛苦論」 對母親狂呻5分鐘
經常聽到有人說返學是人生中最開心的日子，惟一位小二女童對此就極度不同意。日前，一名小學二年級女童在地鐵上發表了5分鐘「辛苦論」，在搭車返學時向母親大叫，先指自己現時「已經唔舒服」、「仲要日日喺度返學」、「我好辛苦！」。隨後繼續表示自己每天都要「晨早流流起身」，睡眠不足已經很痛苦，豈料母親尚要「唔俾我睇手機」、「成日都唔俾空間我」，最後更多次質問母親「我真係好辛苦，你知唔知呀？」。
不滿成年人處事手法崩潰高呼：你知唔知我幾辛苦、幾忙呀！
從女童的「辛苦論」中，可聽出她不滿母親對她的管教過於嚴厲，因而將母親的做法及習慣視為所有成年人的錯，揚言「你地啲大人都係咁，無得改嘅！」女童又指自己一直都十分努力，「好辛苦先可以升到二年級」，並不斷表達對母親的不滿，直斥她「依家乜嘢都唔俾我睇」、「好唔鍾意我可以叫我即刻走囉」。對話中途女童更崩潰地表示「想走好耐」，而當母親疑似表示「過兩日（俾你走）囉」後，女童反斥「你唔好淨係咁樣」、「你阻咗我幾多時間呀」、「你拖咗我好耐！」。
不受同學及老師歡迎 網民同情：慘過返工
「辛苦論」到最後，女童突然表示自己返學時亦不受老師及同學歡迎，更指同學「唔鍾意我」、「而家無人同我玩」，可見她在學校的人緣一般，而不斷重複說道「我忍咗好耐」、「我好辛苦」等說話，亦不難看出這位女童的情緒已達臨界點。這段影片雖然未有影到女童及母親的樣貌，但已引來網民熱議，有網民斥女童「細細個已經呻辛苦」、「少年你太年輕了」，惟大部分網民卻力撐女童，直指從對話中可聽出女童的母親管教過於嚴厲，迫使女童年紀輕輕已好大壓力，更坦言「好多怪獸家長」、「以為咁就係對小朋友好」、「而家啲細嘅返學仲慘過返工」。不過亦有網民指女童之所以如此大反應，皆因被收電話。
圖片來源：日本電視台《女王的教室》劇照、YouTube@香港新聞突發時事合集 Hong Kong Breaking News
