灣仔南固臺
灣仔南固臺

灣仔南固臺鬼屋荒廢多年仍傳出女人慘叫聲 街坊無一不知!探靈少女鬼上身事件上埋報紙頭條 原來古宅前身係…?|玩樂熱話

熱話

廣告

西環「高街鬼屋」嘅鬧鬼傳聞係香港無人不知,但原來位於船街,俗稱「紅屋」的灣仔南固臺,先係街坊口中一致認同嘅灣仔鬼屋。最誇張嘅係曾經有人入內探險,搞到被鬼上身,仲上埋報紙。究竟呢個古色古香,被評為一級歷史建築嘅大宅發生過咩事先會咁「猛」?

灣仔南固臺鬼屋荒廢多年仍傳出女人慘叫聲 街坊無一不知!
古宅前身係…?

南固臺於1918年建成,1943年主人杜澤文死於大宅內,死亡證上記錄「死因不明」。二戰時期日軍係灣仔建立咗唔少娛樂場所,所以當時灣仔又有「小東京」之稱,例如距離南固臺不遠嘅同濟中學舊址就係高級旅店「千歲館」及會所「千歲花壇」,日軍於船街設立慰安所,而建築雅致的南固臺則被佔領作「貴賓廳」,成為囚禁慰安婦嘅地方。

灣仔南固臺 灣仔鬼屋 Eason 都曾經係南固臺取景拍MV!
Eason 都曾經係南固臺取景拍MV!(圖片來源:陳奕迅《終於一 百日》MV)
灣仔南固臺 灣仔鬼屋
大家又有無睇過呢個MV?(圖片來源:陳奕迅《終於一 百日》MV)
灣仔南固臺 灣仔鬼屋
共200多間房屋被用作慰安所(圖片來源:RTHK Podcast One)
灣仔南固臺 灣仔鬼屋
南固臺因漂亮變成了長官專用(圖片來源:RTHK Podcast One)

但自日軍投降後,有住呢一個慘痛經歷嘅南固臺大宅一直廢置,仲時不時有怪事發生,盛傳鬧鬼。例如有街坊話每晚去到深夜,屋內就會出現一團團綠色怪光同怪火飄浮,細心聽更會聽到陣陣女人嘅喊聲同慘叫,非常哀怨。有人仲曾經見到一個著住紅色旗袍嘅女人向佢招手,面上露出詭異笑容,於是紅屋漸漸變成左生人勿近之鬼屋!

灣仔南固臺 灣仔鬼屋 係灣仔長大嘅陶傑細個都入過紅屋探險!
係灣仔長大嘅陶傑細個都入過紅屋探險!(圖片來源:RTHK Podcast One)

探靈少女被鬼上身上埋報紙頭條

最誇張係2003年有八個男女同學相約零晨到船街,夜探鬼屋,其中三個女仔一踏上通往大宅嘅麻石樓梯,就見到一個白色鬼影向佢地招手,於是大驚轉身逃跑,但跑到皇后大道東又突然失常,不斷狂叫話要返紅屋,大叫「佢哋好掛住我!」,其中一人仲變男人聲,最後要多名警員合力先將三人制服送院 。呢個疑似鬼上身事件成為左各大報章頭條,令灣仔鬼屋再次聲名大噪。

灣仔南固臺
(圖片來源:《女校有鬼》劇照)

2018年南固臺業主合和實業向城市規劃委員會提交改劃申請,計劃將南固臺周邊一帶合併發展,保留歷史建築物,改作一個最多容納50個座位的證婚場所,唔知會邊對先人⋯⋯吖新人先啱,會夠膽係呢度結婚行禮呢?

灣仔南固臺
(圖片來源:連登討論區截圖)

灣仔鬼屋位於哪裡?

灣仔船街南固臺。

曾經有人在這裡鬼上身?

當時有探靈少女在裡面被鬼上身,仲上埋報紙頭條!

撰文:KW圖片來源:《女校有鬼》劇照、連登討論區截圖、RTHK Podcast One、陳奕迅《終於一 百日》MV