女友嬲自己單獨一個人去游水 港男大呻拍拖半年後興趣都冇埋！｜玩樂熱話

港男大呻：女友唔畀自己單獨一個人去游水

最近有港男在香港討論區「其實拍緊拖，係咪唔可以單獨去游水？」發文，樓主表示單身時放工食飯後好鍾意去泳池游水，拍拖後亦有跟女朋友交代過自己經常有這種活動，當時女友無反對，仲大讚游水是一個健康好習慣。

直至拍拖半年後，最近泳池重開，樓主開始重新游水，「有時夜晚佢whatsapp問我嗰晚會做乜？我就話游水，佢知道之後好似有啲唔高興。之後覆我都係hea覆！雖然偶然泳池都會有啲單身有身材嘅囡囡去游」，樓主更詢問一眾網民「其實自己去游水有咩問題呢？點解令到佢好似有啲唔高興咁嘅？」。

網民：因為你冇叫女友一齊游水！

有網民理性分析，指因為樓主沒有叫女友一齊游水，「驚你睇到大波肥Gap靚女，有比較之下唔要佢」、「好少女仔會自己一個游水」、「可能佢對你有懷疑」、「驚你會在更衣室把持不定⋯⋯尤其是尖沙咀泳池更衣室，小心」、「啲女人會話唔畀佢check 電話一定身有屎！要私人空間？一定係偷食」、「可能你女朋友以為你昅女，佢唔放心你自己去啫」。

網民覺得樓主女友太專制

有網民覺得樓主女友太專制，「咁健康嘅活動都唔畀你去做，將來你肯定大檬樂」、「有乜問題？自己有私人空間」、「你同佢講唔鍾意就分手，家下拍拖已咁不滿，結咗婚仲有幾廿年不滿？不如而家分手」。有網民建議樓主可以帶女友游一次水，「你同佢去一次佢就唔會再同你游啦，佢就知游水同玩水係兩樣嘢嚟」、「都唔明點解唔帶埋女朋友去？寵物就唔得啫！真奇怪」。

資料來源：香港討論區