港鐵
港鐵

強行拉開港鐵幕門 大隻仔行為令人嘩然!網民:「故障就係多得呢啲人!」|網絡熱話

熱話

廣告

港鐵朝朝都人迫人,但想格硬迫入車廂都唔易。香港人生活節奏急促,做事爭分奪秒,不過急還急,都應該遵守規則嘅。網絡上廣傳大隻仔強行拉開港鐵車門而成功上車嘅片段,一眾網民見到都表示嘩然啊!

撰文:Evita|圖片:香港交通突發報料區

壯男強行拉開港鐵幕門上車

一條約10多秒的影片被上載到Facebook,片中見到一位睇落幾大隻嘅男士喺港鐵月台上狂奔,左穿右插人群之後到達正準備閂埋嘅玻璃幕門,壯男伸出左手攝入幕門中間,紮隱馬步,再用雙手拉開幕門。

男士先強行拉開玻璃幕門。(圖片來源:Facebook)
男士先強行拉開玻璃幕門。(圖片來源:Facebook)
三兩下手勢就拉開。(圖片來源:Facebook)
三兩下手勢就拉開。(圖片來源:Facebook)
幕門亦沒有反彈。(圖片來源:Facebook)
幕門亦沒有反彈。(圖片來源:Facebook)

玻璃幕門打開後,壯男再次使出強而有力嘅臂彎,再次將港鐵幕門強行打開,最後成功上到列車,而車廂入面嘅人都不禁望住壯男。

成功開玻璃幕門後就開車門。(圖片來源:Facebook)
成功開玻璃幕門後就開車門。(圖片來源:Facebook)
花了點力氣才把車門拉開。(圖片來源:Facebook)
花了點力氣才把車門拉開。(圖片來源:Facebook)
眾人驚訝下進入車廂。(圖片來源:Facebook)
眾人驚訝下進入車廂。(圖片來源:Facebook)

網民即刻大鬧:「好自私!」

片段被擺上網後,有唔少網民都話港鐵故障就係多得呢啲人,亦有人大鬧壯男行為自私,阻人時間之餘更有機會令自己受傷。

呢個行為其實非常自私!(圖片來源:Facebook)
呢個行為其實非常自私!(圖片來源:Facebook)

不過都有心水清嘅網民認為係一早同拍片者夾好,亦有人發現拍片同出post人士都係壯男嘅女朋友,女友仲要大讚男友「發現變形俠醫!這是我的男朋友」。

就算要拍片都唔應該用呢個主題!(圖片來源:Facebook)
就算要拍片都唔應該用呢個主題!(圖片來源:Facebook)

不過點都好啦,始終呢個行為係唔恰當兼有可能犯法啊!根據港鐵公司的《香港鐵路附例》第II部第9點指出,任何人不得在列車車門開始關閉後進入或離開列車,亦不得企圖在列車車門開始關閉後進入或離開列車;任何人不得干擾鐵路處所內的任何門或閘,包括任何列車車門及月台幕門,觸犯條例最高罰款港幣2,000元。

(圖片來源:新傳媒資料室)
(圖片來源:新傳媒資料室)

撰文:Evita|圖片:香港交通突發報料區