行山
行山

港男投訴女友約行山但零準備 只為上山打卡!勸世勿與女人行山 無奈嘆:佢行3分鐘即要求坐車+仲飲咗我一半水|玩樂熱話

熱話

廣告

踏入秋冬季節,天氣咁涼爽最好就係去行山郊遊!日前一位男網民在香港討論區上發帖,以「女朋友約我行山,但咩都唔準備⋯⋯」為題,講述最近與女友行山的經歷,投訴女友行山只為上山打卡影相、行3分鐘就嫌辛苦要求搭車、不跟樓主建議的物資清單收拾行囊,最終飲了樓主一半水,遂感到非常無奈,呼籲大家「唔好同女人行山」。

撰文:米娜 |來源:香港討論區截圖、Pexels@Vanessa Garcia、@Dids、TVB娛樂新聞台

港男投訴女友約行山但零準備 只為上山打卡
無奈嘆:佢行3分鐘即要求坐車+仲飲咗我一半水

事主指「女朋友突然之間話想行山,所以上星期六就同佢一齊行。因為我自己其實自上年疫情開始後,就一直有行山嘅習慣,所以本身都冇咩特別擔心。」但之後發生的事情就令事主直言「點知我個放心係錯嘅……」。

男友女友行山示意圖(圖片來源:Pexels@Vanessa Garcia)
男友女友行山示意圖(圖片來源:Pexels@Vanessa Garcia)
示意圖(圖片來源:TVB娛樂新聞台)
示意圖(圖片來源:TVB娛樂新聞台)

在出發前事主曾經列了一個物資表給女友,並著她一定要帶齊,誰料她「當天只係帶支細水就行山……」更自嘲「雖然我覺得認為女人會聽人講嘢嘅我更神奇」因為知道女友行山經驗不多,所以選擇了新手最易行的級數,但女友未開始已經結束「點知佢一開始行下樓梯唔過3分鐘就話好辛苦,不如搭車上去……」,事主當堂目瞪口呆,只好「同佢行返落去再搭車上山頂,幫佢例牌影幾張網紅照打卡,再同佢慢慢行落去。」

事主曾提醒女友要跟著物資表收拾 示意圖(圖片來源:Pexels@Dids)
事主曾提醒女友要跟著物資表收拾 示意圖(圖片來源:Pexels@Dids)
「點知佢一開始行下樓梯唔過3分鐘就話好辛苦,不如搭車上去……」示意圖(圖片來源:Pexels@Vanessa Garcia)
「點知佢一開始行下樓梯唔過3分鐘就話好辛苦,不如搭車上去……」示意圖(圖片來源:Pexels@Vanessa Garcia)

事件仍未結束,事主再指「點知佢落山路行冇半個鐘就飲哂自己支水,係咁問我拎水飲,最後攪到我要自己就住就住嚟飲……(飲咗我帶去嘅一半水)」,令他倍感無奈。雖然最後平安無事落到山,但就即刻被女友要求送她回家睡覺。事主最後非常感慨地勸世,「大家以後有咩事都唔好同女人行山,更加唔好認為女人會聽你講嘢。」無奈得來又帶幾分好笑。

「Hello你飲晒我飲咩?」 示意圖(圖片來源:Pexels@Vanessa Garcia)
「Hello你飲晒我飲咩?」 示意圖(圖片來源:Pexels@Vanessa Garcia)

網民反應兩極

網民立場就反應不一,有替樓主抱打不平,「女人係咁」、「港女係要人照顧架啦,你預左要幫佢執手尾架啦。」、「你信女人依下好笑」;也有認為樓主斤斤計較,「「做男人同女朋友行山,照顧埋佢都好正常啫」、「好正常,先半支水咪詐型」、「帶水梗係帶埋佢嗰份。」

(圖片來源:香港討論區截圖)
樓主原文(圖片來源:香港討論區截圖)
(圖片來源:香港討論區截圖)
樓主原文(圖片來源:香港討論區截圖)
(圖片來源:香港討論區截圖)
網民指正常(圖片來源:香港討論區截圖)
(圖片來源:香港討論區截圖)
有人稱照顧女友是責任(圖片來源:香港討論區截圖)
(圖片來源:香港討論區截圖)
有人稱照顧女友是責任X2(圖片來源:香港討論區截圖)
(圖片來源:香港討論區截圖)
有網民指女人不可信(圖片來源:香港討論區截圖)
(圖片來源:香港討論區截圖)
其實又不一定女人都係咁(圖片來源:香港討論區截圖)