港媽帶6歲仔住尖沙咀酒店！出紅疹投訴要經理呈報告網民反鬧老屈｜網絡熱話

May 17 2022

港媽帶6歲仔入住五星酒店，事後一肚氣！去Staycation當然想有個開心回憶，但有位港媽去完就出post大罵，指帶阿仔住完一晚後，小朋友身體大範圍出紅疹，搞到要休病假5日，事後聯絡酒店但得唔到滿意答覆，搞到佢好嬲，網民意見不一，更有人指港媽「老屈」，你又點睇？

港媽組團Staycation 退房後阿仔全身敏感

事緣兩位港媽好姐妹帶自各阿仔（兩大兩小）去酒店，入住後大部分時間都留喺房休息，點知第2日check out後即出事！出post者稱，她們各自返屋企後，兩位小朋友身上就開始出現小紅點，去到第2日紅疹嘅範圍擴大，肚、背脊、手、腳都有，開始現水泡，並且非常痕癢。

港媽兩位港媽好姐妹帶自各阿仔去酒店，點知第2日check out後即出事！ — 兩位港媽好姐妹帶自各阿仔去酒店，點知第2日check out後即出事！（圖片來源：Facebook@Staycation HK Hotel – 留港宅度假本地酒店住宿優惠）

忍到第3日兩個家庭各自去睇醫生，醫生指，敏感大機會受一些致敏源引發，又或者受過濾性病毒感染，隨後便開了五天病假給其6歲的小朋友，港媽一聽到，就驚覺情況十分嚴重！

各自返屋企後，兩位小朋友身上就開始出現小紅點。（圖片來源：Facebook@Staycation HK Hotel – 留港宅度假本地酒店住宿優惠）

第2日紅疹嘅範圍擴大，肚、背脊、手、腳都有。（圖片來源：Facebook@Staycation HK Hotel – 留港宅度假本地酒店住宿優惠）

開始現水泡，並且非常痕癢。（圖片來源：Facebook@Staycation HK Hotel – 留港宅度假本地酒店住宿優惠）

醫生指敏感大機會受一些致敏源引發，又或者受過濾性病毒感染。（圖片來源：Facebook@Staycation HK Hotel – 留港宅度假本地酒店住宿優惠）

酒店稱已全面滅蟲多日未收到報告

港媽忍不住電郵給酒店，講出兩個家庭情況，指她們「過去一星期，只在酒店內有聚會相處」，但退房後晚上即現紅疹，希望酒店能夠正視問題。

第2日即收到大堂經理來電，稱已為房間做全面滅蟲，但無任何發現。港媽要求電郵回覆，而經理亦表明可電郵滅蟲報告給她查看，結果酒店方電郵只回覆已完成滅蟲，更指同住的兩位大人無症狀，小朋友敏感未必與酒店衛生有關，對已承諾的滅蟲報告隻字不提，出post者事後再次電郵酒店希望取得滅蟲報告參考，但至今無任何回覆。