霸王的
霸王的

港女搭「霸王的」屈司機非禮!警員到場即扮哭:每月搭萬幾蚊的士|網絡熱話

熱話

廣告

日前,有的士司機分享車cam影片,在12日早上遇到一名搭「霸王的」自稱黎小姐的乘客,聲稱身上沒錢而打算離車回家拿錢,司機擔心她「走數」,互不相讓,她又態度囂張辱罵司機,不僅未有付車資,還誣蔑司機脅持、非禮甚至強姦她,的士司機為了收回車資,決定報警救助,為了洗脫搭「霸王的」的嫌疑,該名女子的態度在警員到場後大變,炫富地強調每月的士開支達1萬多元,影片引來網民熱議。

女乘客無錢付車資 態度囂張屈司機

影片長近7分鐘,影片顯示事發時間為12日早上8時左右,司機在帖文直言,「你每月搭一仟萬的士關我鬼事咩,而家搭車你就係要畀錢啦」。在影片之初,女乘客聲稱身上沒錢而打算離車回家拿錢,司機擔心她「走數」,該女子向的士司機表示:「你唔好玩我啦,好唔好。」司機即回應:「我無玩你,你自己清醒回吓帶先啦,睇吓自己做過啲乜先啦。」「我問你攞錢,你無畀錢我,我唔報警,點玩你,又話我非禮,又話我強姦,又話我脅持,咁樣叫我玩你,依家報咗警,唔緊要啦。」

霸王的 該女子向的士司機表示:「你唔好玩我啦,好唔好。」
該女子向的士司機表示:「你唔好玩我啦,好唔好。」(圖片來源:FB@的士司機資訊網 Taxi)
霸王的 港女曾一度不耐煩
港女曾一度不耐煩(圖片來源:FB@的士司機資訊網 Taxi)

女子聽到報警後仍懶理:「唔緊要啦,慢慢等。」的士司機這時又表示:「大家講道理㗎嘛,啱唔啱呀?妳去玩求開心,我做生意㗎,咁我冇錢收咁點呀?」、「我頭先喺妳屋企門口㗎,咁妳冇錢畀我話返上屋企喎,咁如果個個客咁樣,咁我唔使做啦,返咗屋企我邊度揾妳呀?」

霸王的 女子聽到報警後仍懶理:「唔緊要啦,慢慢等。」
女子聽到報警後仍懶理:「唔緊要啦,慢慢等。」(圖片來源:FB@的士司機資訊網 Taxi)

警員到場成轉捩點 女子態度大變扮喊炫富搏同情

影片後半部,警員到場,女子態度180度轉變,以哭腔向警員表示:「我每一日都call, 每一個月係搭一萬的士,你可以揾邊個叫做黎小姐,無任何一個的士台唔識我,係呢一個的士司機……」、「我好多錢呀,我喺成個的士司機、成個台,無一個台唔識我。」、「我一個月搭萬幾蚊的士……我一個月搭萬幾蚊,我有固定職業,我係今日先撞正呢個瘟神,我真係日日都搭的士。」

霸王的 警員到場,女子態度180度轉變
警員到場,女子態度180度轉變(圖片來源:FB@的士司機資訊網 Taxi)
霸王的 港女以哭腔向警員表示:「我每一日都call, 每一個月係搭一萬的士」
港女以哭腔向警員表示:「我每一日都call, 每一個月係搭一萬的士」(圖片來源:FB@的士司機資訊網 Taxi)

其後該女子父親到場付車資,一名女警向女子表示:「認真認真,香港好多的士司機,佢唔認識你好正常,佢唔會查每個客坐萬幾蚊的士。」女警這時叫女子父親付車資,該女子即反問:「吓,仲要畀錢佢?」女警即謂:「你都未畀車資。」女警陪著該女子下車,女子即收起可憐神態,以粗口咒罵司機,「轉頭撞車死」。

霸王的 一名女警向女子表示:「認真認真,香港好多的士司機,佢唔認識你好正常,佢唔會查每個客坐萬幾蚊的士。」
一名女警向女子表示:「認真認真,香港好多的士司機,佢唔認識你好正常,佢唔會查每個客坐萬幾蚊的士。」(圖片來源:FB@的士司機資訊網 Taxi)

網民意見一面倒怒斥女乘客

網民意見一面倒,「今次之後真係嗰個的士佬都識你」,更有同行表示,「我果次俾條女乘客話去OK便利店攞錢找車資,結果一去冇回頭。你報警係正確的」、「佢一係有情緒問題,一係Hi左嘢,不過幾X好戲」。

霸王的 港女在等候警員到場,開始神情有變
港女在等候警員到場,開始神情有變(圖片來源:FB@的士司機資訊網 Taxi)

港女為何會被指控搭「霸王的」?

在影片之初,女乘客聲稱身上沒錢而打算離車回家拿錢,司機擔心她…

港女對於的士司機報警指控她搭「霸王的」有甚麼反應?

女子聽到報警後仍懶理:「唔緊要啦,慢慢等。」的士司機這時又表示…更多詳情

關鍵詞
網絡熱話
圖片來源:FB@的士司機資訊網 Taxi