港女嬲男友入迪士尼樂園一蚊都唔肯使 咩都唔買！$100頭箍都嫌貴 最終委屈爆喊 網民一面倒力撐港女：分手啦｜玩樂熱話
迪士尼樂園是不少女生愛去的主題樂園，每次入去都仿如進入一個夢幻國度，忘卻生活中的煩惱。近日在連登討論區上，一名港男以「女朋友嬲我去迪士尼一蚊都冇洗過，點算」為題發帖，分享自己與女友去迪士尼的經歷，再問大家「係我唔識浪漫情趣，定係我女朋友太港女？」網民卻一面倒力撐女友，仲勸佢儘快分手！
撰文：米娜 ｜來源：連登討論區截圖 、[email protected]、新假期編輯部
港女嬲男友入迪士尼樂園一蚊都唔肯使 咩都唔買！
$100頭箍嫌貴委屈爆喊 網民力撐分手
可愛頭箍嫌貴唔肯買
港男發文指「最近迪士尼出左個$699去兩次嘅優惠，前日特登請假陪有銀卡嘅女朋友去，另一次就聖誕節去」剛入園無耐已感到女友很興奮，並興高采烈地試戴「港女頭箍」（應該是指Disney角色頭箍），再向男友露出想買的表情，但港男就叫不要浪費錢，女友只好失望地放下。
打卡飲品嫌排隊都唔買
續指「之後經過見到啲人排曬長龍買嗰包血（飲料），佢又想買嚟打下卡」，但港男見人頭湧湧，超多人排隊，於是一手將女友拉走，女友由這時便開始黑面，最後還委屈到喊，港男追問才得知女友覺得「今日入迪士尼咩都無買，而且咩都無食過。」才感到不高興。
男友：陪你去迪士尼仲想我點？
港男最後更指「我嗰下呆X左，心諗陪左你去迪士尼打卡做港女，仲想我點？又係你自己話唔抵買，又話我地一蚊都冇洗過，之後我就講返句最多下次聖誕節去再買過。」然後再問大家「係我唔識浪漫情趣，定係我女朋友太港女？」
網民嬲爆 一面倒撐港女分手
帖文一出，網民一面倒力撐女友，「頭箍少少錢都要慳，入乜嘢迪士尼？」、「你陪佢入園玩大晒？講到好似恩典咁」、「個頭箍買嘅係紀念品，係等以後見到個頭箍都諗返起同你去過迪士尼嘅甜蜜回憶，$150抵比啦」、「仲孤寒過我學生時期」、「入迪士尼唔打卡去黎把X？」、「平時可以叫條女慳錢買其他嘢，去得主題樂園慳得就慳仲有咩樂趣」、「比著我飛咗你N年」只有少數人認同大家又點睇呢？
