自稱醜樣港女公開26個男朋友條件　揚言要接受我所有過去　男生：笑死人

港女自問醜樣無身材　公開列26項擇偶條件：要接受我所有過去

該名港女列出多過兩打的「男朋友條件」，包括外型、財力、性格的範疇均算相對是普遍及可預計的要求；但在對女友態度的範疇，港女味異常濃烈。外型要高過178厘米、樣子正常不失禮、身型健碩、「好攬」。財力方面，港女的要求比較直接簡單，就是要養得起女友及願意為女友花費。港女要求男友的性格要尊重長輩、有責任感亦可謂合理；但又要成熟帶點幼稚，可充當她的玩伴又有點令人難以捉摸。另外的16項則有不少「又要馬兒好，又馬兒不吃草」的自相矛盾，「可以忙，但唔可以用忙做藉口唔陪我」、「唔嫌我煩，因為我真係好X煩」、「唔會綁住我，可以畀我出去玩，我會乖」等等。

港女格遭網民痛批3大難頂之處：講得「接受所有過去」即係唔簡單

1.要男友「接受到我所有過去」

要男友「接受到我所有過去」是其中一項最惹火的。一眾網民狠批「呢句真係終極自私自我中心嘅人先講得出」，反問港女是否能同樣地接受男友有召妓的過去，而唔嫌棄男友是「污糟」的呢？有網民認同「呢句真係好難聽，唔通買一送二我都要接受咩？」更有網民因「接受到我所有過去」的要求而聯想港女是隨便的人，「見到句接受到我所有過去就知佢係飲兩杯就上得，做佢條仔性價比低到」。

2. 「唔嫌我樣衰、無身材」

港女對男友的外型本來不算過份，但當她同時要求「唔嫌我樣衰」、「唔嫌我完全冇身材、又肥又冇胸對腳又粗又短」突顯不對等的無理，完全體現了「漠視他人權利」的港女特質。網民串爆表示「淨係唔嫌你樣衰已經做唔到啦」、「真係當自己公主」；但亦有人認為港女「又肥對腳又粗短」是帶點自嘲，不是由衷而發。

3. 「易呷醋，唔嫌煩同我解釋」；同時自己「多異性朋友，要信我」

港女提到自己「易呷醋」、要男友有耐性解釋令港女對呷醋釋懷，但另一項又講明自己有眾多異性朋友，男友要靠個「信」字；港女在多項要求處處流露著「寬己嚴人」的條件，加上港女的外型帶點風塵味，連開出的條件令網民有先入為主的不良印象，不少網民均奚落港女不自量力，指「個樣咁仲好意思？」、「又唔係生得靚、又唔係搵得多錢，符合到上面資格嘅人會唔會搵你」、「就算列3份1我都覺得憑咩？」、「咁個女仔又比到乜嘢個男仔？」