淘寶
淘寶

港女出街著淘寶衫慘被男友嫌棄!網民意見兩極:質料差又起毛粒|玩樂熱話

熱話

廣告

很多人都愛淘寶購物,不過早前有喜歡著潮牌的男友,打算帶女友與朋友食飯,不過女友因為著淘寶衫,被男友指責「可唔可以唔好著啲咁cheap嘅衫」,女友大呻超無奈!

怒轟女友出街淨係著淘寶衫:「可唔可以唔好著啲咁cheap嘅衫」

有網民在Dcard討論區發文,男朋友追開潮牌,經常都著有牌子的衫,「佢outfit嘅特色就係成身都係牌子嘅logo,每逢有咩新嘢佢一定會買」,事主表示男友會跟熱潮去買衫,但她坦言自己平時買衫都是普通衫,「夏天好多時都係闊腳褲加背心,咁呢啲衫要買不外乎都係淘寶或IG shop,而IG shop好多時都係淘寶拎貨,咁我要買呢啲衫去淘寶買都好合理」。

淘寶 港女表示男友熱愛穿著潮牌。
港女表示男友熱愛穿著潮牌。(圖片來源:pexels@Riley Franzke)

男友:你咁樣有啲影衰我

怎料有一日男友打算帶女友與朋友一起食飯,「佢就問我會著咩衫,我換完影咗比佢睇,佢話可唔可以唔好著啲咁cheap嘅衫去見我啲fd,你咁樣有啲影衰我」。不少網民紛紛留言,覺得樓主男友不尊重她,「唔講係邊到買衫,淨係講『你可唔可以唔好著啲咁cheap嘅衫去見我啲fd,你咁樣有啲影衰我』呢句已經要鬧,周身名牌又會有幾靚,著起龍袍都唔似太子就係咁嘅意思,係人著衫,唔係衫著人」、「自己想着咩咪着咩囉,淘寶唔少款咪又係IG shop 葵廣見到,佢要嫌你,叫佢搵過個成身潮牌嘅女朋友啦,又唔係佢買衫比你,邊有資格講」。

淘寶
(圖片來源:TVB《不懂撒嬌的女人》劇照)
淘寶 示意圖,非當事人)
(示意圖,非當事人)(圖片來源:IG@deniskwok193)

淘寶衫質素參差!

不過有網民覺得淘寶衫的質素參差,「但係不得不說淘寶衫有陣時啲料真係好cheap」、「淘寶啲料真係好差,比多啲錢買啲靚料著耐啲仲好」、「雖然因為着衫而睇唔起人係唔啱,但樓主買淘寶衫實在係抵鬧」。

淘寶 不過有網民覺得淘寶衫的質素參差。
不過有網民覺得淘寶衫的質素參差。(圖片來源:電影《閨蜜》劇照)

網民:你叫佢畀錢買!

有網民覺得男友如果要比意見,可以幫樓主買衫迎合潮流,「其實佢大可以買埋比你著,帶你去試衫買比你,大家都開心」、「講真,佢想你著咩,一係佢買比你」、「你叫佢買啲名牌衫比你」。

淘寶 有網民覺得男友如果要比意見,可以幫樓主買衫迎合潮流。
有網民覺得男友如果要比意見,可以幫樓主買衫迎合潮流。(圖片來源:Dcard截圖)

有網民分享自己狀情況與樓主一樣,「我男朋友係日本人,咁我又好熱愛U記同GU,所以差唔多大部分衫都係呢兩個牌子,但係因為U記GU喺日本太平,佢就話係cheap嘢冇牌子,話人地唔係brand,但係佢講呢幾句嘅時候我全身都係呢兩個牌子」、「我男朋友雖然都會咁講我,但佢係講完我,係會帶我去買有牌子衫,跟住佢畀錢嘅」。

淘寶 有網民分享自己狀情況與樓主一樣。
有網民分享自己狀情況與樓主一樣。(圖片來源:Dcard截圖)

原文截圖:

淘寶 原文截圖
原文截圖(圖片來源:Dcard截圖)

關鍵詞
淘寶
圖片來源:電影《閨蜜》劇照、pexels@Riley Franzke、Dcard截圖、TVB《愛.回家之開心速遞》劇照