女友懶得日日沖涼！男友睇唔過眼用1招氹佢超有心機！｜網絡熱話
廣告
女友唔肯日日沖涼點算好？可能好多男士會因此好勞氣或者分手，但日本一位男生就勁好心機，特製一張「洗澡集點卡」，儲齊點數就可換取獎勵，網民大呼：根本是真愛！
女友勁懶唔沖涼 男友自製「洗澡集點卡」
日本有位女網友受精神病困擾，心理狀況不穩，導致唔能夠日日沖涼，佢表示如果當天要工作才願意去洗澡，但如整天沒事做，就懶得動身，甚至刷牙洗面都唔做。
每日沖涼是基本事，正常人都會睇不過眼其不衛生行為，但事主的男友為了為她「願意洗澡」，用心做了一張「洗澡集點卡」，細心定好獎勵規則「晚上7點前洗澡就能獲得一點」，更用上精緻的花花貼紙作點數，集齊50分，就可以收到化妝品作禮物。
卡仔做得非常精緻，數得出女友已經沖咗18次涼，而上面不同的花花貼紙充滿少女風，令人好想儲滿貼紙填滿卡片，簡直Feel到男友滿滿的愛意！
網民大呼：是真愛！
網民睇完紛紛表示羨慕，有人指事主伴侶好用心，是真愛，亦有人笑指伴侶好可憐，亦有有網友代入角色，指自己有時一天洗五次，應該很快集齊。
亦有心水清網民表示，女生就算每天沖涼，亦不一定每天洗頭，其實應該要做「洗頭集點卡」。
資料來源：Twitter@@inunemuri
圖片來源：Twitter@@inunemuri、FB截圖、東京電視台《下輩子我再好好過》截圖、朝日電視台《偽證破解家》截圖、《戀空》劇照
