《東張西望》美華無家可歸最終回！主持林希靈爆Seed獲網民大讚！惡毒女保安：「你去陰間問佢老竇囉」｜網絡熱話

回顧事情發展：聾啞女士喪父後公屋單位被女保安佔據 無處歸家

撰文：WM丨圖片：《東張西望》節目截圖、Facebook截圖丨資料：《東張西望》

「啞女美華無家可歸」最終回 惡毒女保安：「你去陰間問佢老竇囉！」親指層樓到手係理所當然

女保安阿娟：「我當佢爸爸照顧！」

《東張西望》進到公屋單位中與女保安阿娟當面對質，阿娟劈頭就指自己並無用色誘去令美華先父將單位轉讓，而是當其先父是父親般照顧。阿娟就指美華在父親生病期間沒有照顧對方，而是靠自己去照顧其父親，打點美華父親生活日常的大小二事，而美華父親亦開口叫阿娟搬到現時單位一同居住。

阿娟指美華先父自願為其立遺囑

阿娟又引述美華先父的說話，表示：「佢死落去，香都冇得食。」，而阿娟就回應指：「我就諗住死落去，等佢舒舒服服。咁我咪要咗層樓囉。」。而阿娟都有問及美華先父有沒有問及美華的意見，而先父就以「有政府！唔驚！」為理由去指美華不需要該單位。

阿娟直言：「有付出，先有收獲！」

阿娟其後又引述美華先父的說話，指為對方支付殮葬費以及為其還清六萬元的欠款，所以美華先父才會將單位以「禮物」形式送給阿娟。阿娟又指自己付出了時間去照顧美華先父，就應該有應得的收獲，更指：「仲算呃啊？」。被問道是否認為付出與收獲不成正比，阿娟道：「呢啲銀碼冇得計！」，更指自己在美華先父死後都有付出金錢：「佢俾呢間屋我，我一樣買返間屋俾佢。」，當中指的是先人牌位。

美華先父交帶不必理會美華

阿娟在節目中繼續指：「自己係聽死人話，唔聽生人話。」，認為美華先父講到不必理會美華定有他的原因，所以就照美華先父的話去執行。阿娟更指自己因為仁慈的關係，所以讓美華在單位中暫住，直到成功申請公屋。又指美華在生活時都十分不檢點，房間堆滿雜物之餘，又令單位的廁所十分污糟，直言：「佢就係咁污糟嘅一個人啦。」。

阿娟親釋換鎖一事

阿娟指自己與美華同住間期都會給予對方$3500作為伙食費，但美華邋遢而且懶惰不做家務的性格令阿娟停止美華伙食費，並要求對方交水電媒費用等等。不過由於對方不肯的關係，所以決定換鎖不讓美華入內，直言：「有一蚊嘅貢獻，我都會俾佢喺度住。」。

「第時間屋俾仔仔給婚用！」

阿娟都一直為美華搬走之後的單位作好打算，先希望兒子能夠搬到其單位，然後再等美華搬走之後將其房間進行裝修，並準備給兒子作為新婚之用途。所以希望美華於當天就可以搬走所有房間內的物件，更指：「間屋唔住，攞嚟做咩？」。

要求美華搬走所有物品

阿娟隨即去到門口並要求美華將所有房間中的物品都搬走，並指：「佢自己唔攞，我就報警，叫警察同佢攞。」。美華沒有照辦，只在房間中拿取重要物品後就離開，而阿娟隨即報警及打去搵社工，不過最後都沒有得到幫助。

阿娟發火：「你屋企買咗，俾佢住囉！！」

阿娟與美華在單位門口正面交峰，美華被其逼到即日搬走，而她就指自己：「冇辦法」，不料對方竟回道：「你冇辦法關我咩事？」，更指對方可以將物品全部「搬晒出街」，並不會交出換鎖後的鎖匙，直言：「你發夢啦！」。當主持人林希靈問及：「咁佢瞓邊啊？咁樣好冇人性。」，阿娟就回答：「我仲冇人性啊？俾佢喺度住咗咁耐！」，又指自己讓美華在單位中住了四年已經仁至義盡。

其後阿娟更一度發脾氣，劍指主持林希靈：「你係咪惹嬲我啊！」，其後更指出自己已經用金錢購入該單位。林希靈一問：「你俾咗幾多錢啊？」，阿娟只能口疾疾地指：「呢個我私隱，做咩要講俾你聽。」，當林希靈揭穿其謊話指其物業在土地註冊處上屬遺產，阿娟即時口啞啞企咗喺度。

關鍵證據或幫美華重奪單位

美華就指自己在父母買下單位時有付出10萬港元，而其證據亦成功找到。陸偉雄大律師就指這是一個十分大的有力證據，有機會幫助美華重奪單位。而最後節目再嚟個回馬槍，阿娟在訪問中指如果美華有出錢的話，就不會要其單位。大律師都希望美華尋求法律援助，向法庭申請重奪單位的3分之1擁有權，以及父親生前的一部分遺產。

主持林希靈爆seed大鬧阿娟 網民激讚：「正義女神！」

阿娟惡行連連，更被到美華無路可走，超過份！就連主持人林希靈都睇唔過眼，情緒被牽動，忍唔住怒斥：「你咁樣好冇人性！」、「又話好錫佢？」，即使面對著阿娟惡劣的態度都不退縮，正義又勇敢！節目播出後，大家除了心痛美華的情況外，同時更大讚林希靈表現出色，毫不畏懼，加上過去於節目中亦要多次為低下階層發聲，網民更大讚是「正義女神」！

撰文：WM丨圖片：《東張西望》節目截圖、Facebook截圖丨資料：《東張西望》

常見問題

問:東張西望美華阿娟事件中，阿娟的職業是什麼?
回答:保安。
問:東張西望美華阿娟事件中，最後結果是什麼?
回答:聾啞女美華被霸屋趕出家門，最新事態大反轉，女保安阿娟態度180度改變，詳情請看。