東張西望李旻芳採訪遭大漢恐嚇 稱「溶咗你都得」 警察到場後1句震驚觀眾
《東張西望》李旻芳拍攝期間被恐嚇：你好騷擾我
《東張西望》主持李旻芳日前採訪一宗疑似村屋私自圍封自家私路、收過路費的事件，隔著大門鐵閘訪問疑似是涉事主角之一的家屬李小姐時，李旻芳一問及「小路被加裝鐵閘的原因」，對方即回應：「喂喂喂，你好騷擾我，我唔得閒同你講嘢！我而家好唔舒服，你唔好騷擾我！」之後更說要報警指李旻芳騷擾她。
再遇村屋惡漢抗拒採訪掀爭執 旻芳面不改容應對
及後，李旻芳行到小路旁的士多，打算再找街坊做訪問，似乎「幸運地」遇上疑似涉事人士，攝製組一走近士多，一位身形健碩的彪形大漢立即走出來說：「叫咗佢唔好影先啦！」李旻芳向大漢解釋攝製組主要是拍她，但他並不聽李旻芳解釋。大漢立即怒罵攝製組，更要攝製組即時刪除影片，並走向攝製隊有所動作，大漢：「咁你影乜X嘢？」儘管攝製組已經解釋自己只是記者，大漢仍不接受。
大漢拒上鏡恐嚇攝製隊 李旻芳即護機力保片段
大漢的同伴隨後上前向攝製隊表示：「記者都唔好影，已經叫咗你唔好影，就唔好影啦！」大漢立即動手搶過攝製組手上的攝影機並大罵：「我已經叫咗你哋唔好影啦頭先！」李旻芳及攝製組立即保護攝影機，指是公司財產不可以碰，此時攝影師、大漢及李旻芳3方的手分別都在攝影機上。大漢即時大叫：「報警啦，咁你報警！」在混亂中攝製組的攝影機有零件因此而脫落。
警方到場確認「確係一個爭持嘅狀態」 面對躁漢急送攝製組離開
大漢在混亂中不斷用髒話罵攝製組人員外，更企圖搶走攝製組的攝影機，攝影機的收音器材部分損壞。之後警員到場了解事件，攝製組指大漢恐嚇及企圖搶奪器材，警員竟然說：「確係一個爭持嘅狀態，但你話係一個明顯去搶嘅舉動，老實講，就一半半嘅。」攝製組表示有人恐嚇他們，警員只是催促攝製組離開，過程中大漢恐嚇了一句：「細佬，我唔知邊度溶咗你都得啊！」
大漢恐嚇下警員一句回應：我哋而家唔好惡化件事先
攝影師向警員指：「佢話溶咗我都得喎！」但警員向攝製隊表示：「我哋而家唔好惡化件事先，你咁講無得玩㗎！」警員最後急於護送攝製組離開，警方以涉嫌刑事毀壞拘捕了一名男士。網民認為大漢行為猖獗，有警員在場都完全事無忌憚；但亦有人認為拍攝地點有機會涉及私家路，攝製組可能無權拍攝；有人則為事件本來的受訪者擔心，始終受訪者是當地村民，不難被人認出。亦有人指「警方嚟到急急腳送佢哋走，就咁講兩句就算，而家當玩啊？恐嚇喎」。
《東張》再回應事件：警方係有即時行動
網民對警方舉動不滿，而《東張》期後再為大埔元嶺村事件澄清，指當時警方有即時處理，亦有拘捕涉案一名52歲男子，主持人提及「我哋尋晚報導過一個關於大埔元嶺村嘅報導，我哋知道引來好多觀眾嘅熱烈討論，而我哋當中係有一啲誤會嘅，以為現場處理緊嘅警察無即時採取行動。喺度我哋想澄清，其實當日喺報完警之後，到場嘅軍裝警員作出初步了解後，其實已經喺現場即時以刑事毁壞拘捕一名52歲男子，亦都帶咗佢返警署接受調查。及後相關嘅刑事調查隊亦都有向報案人落口供，以及跟進調查，相關案件調查當中。」
資料來源：YouTube@東張+
