世紀級孤寒港男要朋友夾錢求婚！網民：呢啲人做得出玩即場拆人情｜網絡熱話

怕心口朋友只須幫手佈置毋須出錢 低成求婚道具玩殘朋友

事主收到好姊妹男友的秘密邀請幫忙向女友求婚，男女雙方的6位朋友到酒店幫手佈置房間，事主問好姊妹男友「有冇嘢要幫手買」，獲回覆「拍晒心口話已經買晒唔使我哋出錢」。事主直言覺得房間有點小，但可能在求婚後倆口子會過一晚當渡假；雖然求婚氣球是淘寶貨，但事主亦覺得問題不大，重點是他沒有買氣球泵，要朋友們用飲管吹氣球；好姊妹男友亦有買花，事主驚見不是鮮花、乾花，竟然是膠花，即好姊妹男友總共買了8個字母氣球、5個普通氣球、一束膠花，並勁靠酒店房燈營造浪漫氣氛。

當朋友免費勞工 仲要貼錢包房買道具求婚

驚喜求婚行動成功，未幾，事主及朋友們竟在好姊妹男友所開的短訊群組收到他要求朋友們夾錢的數目明細，「氣球、膠花、房價除開6份畀返幾多錢佢，即係佢兩個一蚊都唔使畀，零成本求婚，唔使請食飯仲有女食！」。事主驚訝不已，「求婚係你求，酒店房當朋友們留在房間時間耐過佢哋，搵朋友幫手佈置，氣球同膠花運費最多50蚊，咁都除返條數？咁求婚真係好肉酸囉！」，事主又指「平有平搞，要慳錢真心愛佢唔求婚都會嫁，又要好睇又要背住女友收朋友錢真係好樣衰！」又表示堅決不會就範夾錢。

揭孤寒男搭的士要找毫子

帖文一出，網民一面倒地覺得難以置信竟然有此孤寒精「可以拍到拖仲要結婚，呢個先出奇」，獲事主回應「可能佢對我朋友好好，但我一開始已經唔鐘意呢個男人，開口埋口都講錢」；有網民鬧爆「叫人幫手做嘢唔請食飯都算，仲要人哋出錢，佢無X嘢呀！」事主回應時透露，「唔請食飯都算，都知呢個人平時搭的士都會叫司機找毫子，連求婚都仲要人夾錢？」另有網民著事主勸阻好姊妹悔婚，事主表示「由佢嫁我都驚係害咗佢！」

向好姊妹踢爆男友真面目 竟不獲信任

有網民欲知後續發展，事主表示「連男方的朋友都唔幫佢」、「已截圖連短訊畀咗好姊妹，叫佢諗清楚，但佢話佢男友對佢好大方，唔信佢會咁做，仲講到好似我哋屈佢男友咁」，有網民說出重點兼獻計，「大家應該回應男友，最初唔係講1蚊都唔洗俾嗎？而家出錢出力出時間，估計又會叫你哋做埋兄弟姊妹，到時一齊放飛機，呢啲人即場拆人情真係做得出」。

原文：

資料來源：香港討論區截圖