中女月餅KOL殺出新血路！汪阿姐大玩「扑嘢月餅」＋司棋姐可愛反轉月餅塔 網民：佢哋又幾搞笑｜網絡熱話
撰文：新假期編輯部丨圖片：汪明荃IG@wang_liza、思琪姐IG@leeszekee、截圖自Youtube@TVB USA Official
中女月餅KOL吸晴Battle
司棋姐 月餅層層疊
將司棋姐和月餅連上關係，不難想起當年經典的電視劇《溏心風暴之家好月圓》，她的角色是荷姐，家族生意是賣月餅的，每一集都是那些家破人亡、妻離子散、大噴眼淚的劇情，睇到驚心動魄！
言歸正傳，司棋姐自從愛上在Instagram分享生活後，惹來64,000多個粉絲追蹤，經常以生活化打扮配以嬌俏聲音，在網上惹人注目。今次收到PR送一盒盒的月餅，當然要好好分享！先講這個美潤月餅的片段，片段一開頭唔係KOL公式化的打開個盒睇下有咩，而係把月餅一盒疊上一盒（留意番疊得好有Pattern，唔係亂嚟），疊到比她的人還高，最後還依偎在月餅塔叉腰微笑，可愛！
而另外一條片段，她收到由sift寄來的月餅，這條片更加有她溫柔嬌俏的配音「幾得意，兔仔形狀嘅月餅」，開另一盒曲奇餅時，她更誇張「嘩」了一聲，「好有中秋氣氛啊，望吓～」充滿少女心，難怪她越老越有魅力。
汪明荃 潮玩「扑嘢」月餅
說到中女KOL，怎能不提汪阿tag！她早前自創一個在網上tag朋友的方法，熱爆網絡。適逢中秋收到禮物，她當然要在網上分享。先說其中一段記者本人最喜歡的片段，她收到美麗華酒店的月餅，一看到木錘仔，隨即拿起便說「一定係扑嘢㗎啦」，整段片段中不斷提着扑嘢扑嘢，一開盒子見到小兔子和月亮大叫好可愛，最後更扑爆朱古力月亮，一手食着朱古力一手繼續扑，童心未泯，整條影片長近5分鐘，PR一定好開心大家能夠時間睇得清個月餅。
另外一段片她正經的坐著介紹月餅，資訊性十足，另外半島月餅的片段，更加離奇，以慢動作播出，網友都覺得奇怪，紛紛表示：「要好有耐性先至睇得完」。
同司棋姐一樣都收到Sift的同款月餅，真正來個大PK！阿姐的開箱十分正經，朗讀出月餅的名稱「蛋黃流心餡料加鹹蛋黃味，非一般的享受！」，再逐款月餅品評外貌，超詳盡Style，和司棋姐可愛快閃的影片有著不同節奏，各有捧場客！
