日本
日本

日本媽媽專影囡囡醜照 反白眼超醜食相都唔放過

熱話

廣告

好多爸爸媽媽都會拎住電話或相機瘋狂影,捕捉自己仔女嘅美好時光,唔浪費仔女成長嘅每一刻。有位日本媽媽成日影低自己兩個囡囡,但佢唔係影佢哋靚嗰一面,而係專門捕捉囡囡嘅醜態,仲將自己囡囡嘅醜照放上Instagram,吸引咗唔少Fans。

撰文:SY|相片授權:ku_neru_hasyagu

呢位特別嘅日本媽媽係Kana,佢有兩位囡囡,分別係6歲嘅姐姐Himari同4歲嘅妹妹Tsumugi。佢成日都影低囡囡嘅醜態放上Instagram,吸引咗超過2萬追蹤者。

Kana影嘅相真係好特別,同普通生活相好唔同,Kana專係影囡囡反白眼、奇怪食相等。而喺眾多奇怪嘅醜態中,好多都係兩位囡囡未準備好嘅樣,真係好搞笑!兩姊妹Himari同Tsumugi表演慾旺盛,佢哋搞笑生活相為唔少網民帶嚟歡樂,真係一見到就笑。

雖然Kana影咗唔少囡囡嘅醜態,但張張都係佢哋成長中最真實、最珍貴嘅回憶。唔知Himari同Tsumugi大個之後,見到自己嘅醜態,會唔會嬲到笑呢?