日圓跌12蚊店冇減價捱轟 網民嬲爆大鬧：香港有加無減好離譜！ ｜玩樂熱話
廣告
日圓匯價持續下跌，縱然偶有回彈但近半年都維持在6算以下，吸引不少港人趁低位盡情買日本網購！雖然日圓貶值但部分本地零售商不願減價，以港人熟悉的Daiso 12蚊店為例仍企硬未有減價，令網民抱怨香港：只有加價永遠冇減價！
網民抱怨日圓跌12蚊店冇減價：有加無減去淘寶好過
日圓貶值令不少哈日族可以平價掃日貨而感到高興，不過隨住日圓匯價下跌，本港知名的日貨品牌DAISO、Living PLAZA等12蚊店卻未有減價，早前已有網民抨擊稱12蚊店以往只售10元一件，但隨後因日圓漲價，要加到12元，認為現時日圓維持在6算以下，卻未有減價變相是加價！早前網民於Facebook群組「12蚊店關注組」內再次討論事件，指現在日圓跌價多個月卻未有變回10元，帖文引起熱議。
網民不滿：有加無減機制！
有網民回應該貼文，表示：「有加無減機制」、「香港只有加，沒有回落的」、「加價總係原因多多大條道理」、「加就快，減就慢，返唔到轉頭」，又有人以石油加減價比喻「跌價時你訂石油氣，一罐嘅錢係一樣！」認為香港物價不斷上漲，卻難有下調。亦有人稱不想捱貴價錢轉去淘寶，表示「以前好鍾意行12蚊店，而家好耐都冇幫襯，淘寶都有好多靚嘢又平」，認為淘寶價廉物美。
1個原因唔減價！
對於香港不減價的原因，有人指「香港租金貴，同埋而家油費貴，所以唔減」、「都無減租，郵費又加……所以咪又唧牙膏式減價」、「yen跌，但香港租貴人工貴運費貴，呢啲都係成本的一部份。」，認為本港12蚊店難有減價空間。
圖片來源：AEON Living PLAZA、Facebook群組「12蚊店關注組」、DAISO、資料或影片來源：Facebook群組「12蚊店關注組」
