準新娘試妝後直接結婚＋擺酒！化妝師抱怨：有必要咁慳？｜網絡熱話
廣告
唔少新婚都會係結婚前試妝一次，睇下啱唔啱心水。畢竟結婚一世人一次，就梗係想著得好好睇睇，個樣都要見得吓人啦！但係有做化妝師嘅網民投稿至爆怨公社Facebook專頁，大鬧有客人為結婚試妝後竟然直接結婚？
準新娘試妝後直接結婚
有台灣化妝師投稿至爆怨公社，指自己幫一名準新娘化妝，過程中對於準新娘種種要求都完成妥當，包括「試妝前做好保養」、「要用準新娘喺法國買嘅定妝液、眼影、唇膏等等」，之後更要求化妝師幫準新郎試妝。
準新娘就同化妝師講好滿意，但要返去考慮一吓，畀咗試妝費就離開。
點知化妝師透過Facebook發現準新娘臉上帶住妝容去結婚，而且仲擺咗32枱！化妝師表示：「因為她不知道我們有共同朋友所以我看到動態了！晴天霹靂，這是什麼社會，有需要這樣欺負人嗎？」
網民：以後試妝化一半好了
有網民睇完化妝師發文之後都紛紛留言回應，有人仲叫化妝師日後幫人化妝只係化一半就好。
資料來源：爆怨公社Facebook
撰文：Evita圖片來源：Maria Gloss@Pexels、cottonbro@Pexels、《怎麼就，結婚了》劇照、日劇《逃避雖可恥但有用》劇照、pexels@Emma Bauso
