港媽
港媽

2歲半女兒被男童掌摑!大肚港媽投訴反被新移民媽1句惡毒詛咒|網絡熱話

熱話

廣告

大肚港媽為咗護女反被詛咒!小朋友之間有磨擦好正常,不過郁手郁腳就有問題喇。有媽媽級網民投稿至生仔要考牌系列Facebook專頁,回想一年半前女兒畀小朋友打,點知反被對方媽媽惡言相向!

大肚港媽帶2歲半女兒!慘被男童掌摑

大肚港媽投稿至Facebook專頁,指一年半前,當時懷孕9個月嘅佢帶住2歲半嘅女到公園玩,有一個同佢囡囡差唔多大嘅男生同囡囡爭公園玩具,但係男仔突然兜把打落囡囡塊臉,囡囡塊臉即時紅晒,大肚港媽見狀就出聲話個小朋友。

大肚港媽:「小朋友,你唔可以打人㗎喎,公園大家一齊玩,大家可以做好朋友。」

港媽 男仔突然兜把打落囡囡塊臉,囡囡塊臉即時紅晒。
男仔突然兜把打落囡囡塊臉,囡囡塊臉即時紅晒。(圖片來源:Pexels@pexels-quang-nguyen-vinh)

點知個男仔用力踢網民個女,而男仔個媽媽一直傾緊電話,見唔對路就衝咗埋去。

大肚港媽:「你好,你仔仔又打又踢我個女喎!」

而男仔阿媽就用唔鹹唔淡嘅廣東話回應:「咁又點啊?」

港媽 小朋友打鬧期間父母有責任看管。
小朋友打鬧期間父母有責任看管。(圖片來源:Pexels@pexels-tuan-pm)

港媽護女被詛咒流產

大肚港媽:「佢打人喎!」

對方:「咁你咪叫你個女打番佢囉!」

大肚港媽:「我唔會囉,佢唔啱應該好好同佢講,我唔會教我個女打人。」

對方:「再講打埋你啊,生咗個女好叻啊,你個女好巴閉咩,唔打得啊?」

大肚港媽:「我個女緊係唔打得啦,我無啦啦打你個仔得唔得啊?」

點知對方竟然用粗口鬧網民:「生啦生啦,香港人威啦,生埋啲垃圾,小心流產啊,生個傻嘅,生個白痴嘅,生個有問題嘅,睇你點罵!」(文字經過修飾)

港媽 點知對方竟然用粗口鬧網民。
點知對方竟然用粗口鬧網民。(圖片來源:Pexels@pexels-nicola-barts)
港媽 網民發現兩個小朋友係同一間學校之餘仲要係同班。
網民發現兩個小朋友係同一間學校之餘仲要係同班。(圖片來源:TVB《BB來了》劇照)

如是者,網民以為呢件事就咁算數。點知發現兩個小朋友係同一間學校之餘仲要係同班,網民問大家:「我係咪好慘?」

網民留言:要反擊!

事件獲得唔少網民留言回應,有人就話應該要教小朋友以牙還牙,對方「誠邀」自己打佢個仔就應該唔好畀面,有人更建議大肚港媽應該報警告佢傷人。

港媽 網民就認為樓主要識保護阿囡同自己!
網民就認為樓主要識保護阿囡同自己!(圖片來源:FB@生仔要考牌系列)
港媽 網民建議港媽向學校投訴。
網民建議港媽向學校投訴。(圖片來源:FB@生仔要考牌系列)
港媽 遇到呢啲情況拍片都好有用。
遇到呢啲情況拍片都好有用。(圖片來源:FB@生仔要考牌系列)

資料來源:FB@生仔要考牌系列

撰文:Evita圖片來源:TVB《BB來了》劇照、Pexels