【掃街王】鰂魚涌橫掃聯合國美食

熱話

廣告

作為商業住宅區的鰂魚涌,充斥著千變萬化的食店類型。除中日韓台之外,更有英式、墨西哥式、土耳其式,甚至加拿大式食店,所以絕對可以說是一個聯合國級的美食區!今次我哋就同大家介紹各種大件又抵食的美食,即刻同大家瘋狂掃街吧!(記得留意文中貼士,教大家食得抵啲!)

1.日本代表!扮晒嘢西瓜啤酒啫喱熊貓咖喱飯糰!

今時今日食咖喱,除咗講香講辣講入味之外,竟然要講可愛!?原來係有人設計咗可愛度十足的咖哩熊貓飯糰,每件飯糰由師傅手製再加上紫菜做裝飾,最後伴著咖喱汁,值得一讚的是咖喱飯配上了份量不少的沙律菜,等大家可以食得健康。另外店內更有其他可愛甜品,例如啤酒啫喱就用了蘋果汁扮作啤酒造型,啫喱倒立也不會流出,十分過癮。最後更有提升冰凍程度的西瓜汁凍及可樂加味的涼粉,甜到入心呀!

!!! 掃街貼士: 購買熊貓咖喱飯糰後,可以加$10加配1份西瓜凍或啤酒啫喱

紅丸甜品
地址:鰂魚涌英皇道901號英麗閣D座地下B1號舖(顯示地圖
電話: 2167 8585
營業時間:Mon – Fri: 12:00–23:00 Sat – Sun: 14:30–23:00

2.意大利代表!20吋特大重料薄餅加火燒焦糖火山薄餅!

誇張了!誇張了!第2間介紹的是別具氣派與特色的意大利美食。首先是焦糖火山薄餅,這個甜品設計講究,先製作薄餅,之後在薄餅加上焦糖汁,然後重點來了,店員會將Bacardi酒加在薄餅上,再為薄餅點火,火炎就會為薄餅混合焦糖味,並帶點點酒味,大家更可以用意大利雪糕配送食薄餅。而第2的是20吋特大重料薄餅,長度夠之餘,筆者所試的Crudo薄餅配料有莫薩里拉芝士及格拉娜芝士,再有帕爾瑪火腿及火箭菜,大家可以飽個夠啦!

!!! 掃街貼士: 用餐滿$250後,可以玩1次有獎扭蛋機,內有cash coupon,pizza買1送1等其他優惠

Pizzeria JACOMAX
地址:鰂魚涌芬尼街2D號僑英大廈地下3號舖(顯示地圖
電話: 2167 8585
營業時間:Mon – sun: 12:00–22:00

 

3. 美國代表!超抵食至尊和牛安格斯牛肉漢堡!

至尊和牛安格斯牛肉漢堡,個名雖然好長氣,但就包含大家最愛的和牛及安格斯牛肉,整個漢堡厚度十足,而價錢是$40一個,有濃味醬汁及煙肉的加強下,食一個都飽啦!

!!! 掃街貼士: 和牛安格斯牛肉漢堡可加$10換飲品薯條

Burger Mix
地址:鰂魚涌海堤街2號多寶樓地下E5號舖(顯示地圖
電話: 2565 5666
營業時間:Mon – Sun: 10:30–20:00

4.土耳其代表!真。龍蝦三文治!

開業不久的土耳其Food Bar L.B.K,有一個長排菜單第一位的推介菜,真。龍蝦三文治。三文治中的龍蝦肉配了自家製醬汁,完全整突出了龍蝦香味,最後再以洋葱,番茄及生菜加強口感!套餐有沙律及薯條配上,包你夠飽!

!!! 掃街貼士: 星期六的happy hour時段(5pm-9pm)可以$98購買龍蝦三文治連啤酒

L.B.K
地址:鰂魚涌海光街10號地舖 (顯示地圖
電話: 2856 5155
營業時間:Mon – Sat : 12:00–23:00

 

5. 日本代表!米芝蓮級沾

麵鮮醬油房周月,作為2014年香港米芝蓮中兩間其中一間的日本拉麵店,去到鰂魚涌店當然要食!筆者就試了一個Tsukemen沾麵,麵條夠彈牙,而醬油湯汁就正如預計之中的相當重口味(食不慣的朋友可能要加點雞湯中和一下),最最最重要就係沾麵配有筆者最愛的溏心蛋!

!!! 掃街貼士: 外賣購買沾麵拉麵的價錢比原價低$20,例如: 周月沾麵 $88(堂食) -> $68(外賣)

麵鮮醬油房周月
地址:鰂魚涌海光街30號地舖(顯示地圖
電話: 2850 6009
營業時間:Mon – Fri: 11:45–21:15 Sat: 12:10–21:00 Sun: 12:00–19:00

6. 墨西哥代表!特色巨型脆脆烤雞沙律!

位於太古坊對出的墨西哥代表Cali-Mex,除了知名的墨西哥卷名玉米卷外,就有一個巨型級沙律大盤!沙律中配料十足,除了沙律菜外,就有大切烤雞粒,芝士及其他香料,最特別就是最後會使用脆脆盤去盛載整個沙律!

Cali-Mex
地址:鰂魚涌海光街13-15號(顯示地圖
電話: 2705 2833
營業時間:Mon – Fri: 08:00–21:00 Sat: 11:00–21:00 Sun: 11:00–20:00

7. 葡萄牙代表!必食Peri Peri汁加葡式香辣烤雞

繼續大食之選!太古坊打工仔必食的Flames Charcoal Chicken,在午餐時段例必滿座!店內主要提供雞肉菜式,首先有葡式烤雞,以炭燒方式製成的香味烤雞,配上有香辣最佳雞醬Peri Peri!而愛食漢堡的朋友,就可以食煎雞漢堡,漢堡內有接近兩片雞扒,再有Peri Peri雞醬加味,只食包都已經十分滿足!

Flames Charcoal Chicken
地址:鰂魚涌海灣街25號海灣大廈地下A2號舖(顯示地圖
電話: 2563 9928
營業時間:Mon – Fri: 12:00–22:00 Sat – Sun: 12:00–16:00
 

8. 加拿大代表!綠茶忌廉芝士與牛肉雞蛋芝士厚料三文治

Bagel,貝果,是猶太人發明的傳統美食,在流傳到北美洲後,大家就開始加入不同的配料進貝果。位於濱海街的Yo Bago,分有甜食及鹹食配料,筆者就選了綠茶忌廉芝士做甜食及燒牛肉雞蛋芝士做鹹食。綠茶忌廉芝士布滿整個貝果內部,綠茶控定必滿足,而燒牛肉雞蛋芝士貝果就是為大胃王而設!筆者親見店內每個貝果三文治都是即時人手製作,所以新鮮度十足!

綠茶忌廉芝士貝果三文治 ($26),綠茶控最愛。

Yo bago
地址:鰂魚涌濱海街80號地下 (顯示地圖
電話: 2561 7700
營業時間:Mon – Fri: 07:30–19:00 Sat: 07:30–15:00 (星期日及公眾假期可作私人派對 )
 
更多掃街資訊:
【掃街王】荃灣夜市好去處 試食報告
【掃街王】$50掃街食到飽!10款長洲「大件夾抵食小吃」試食報告!
【掃街王】港島有個小士林!西灣河8大好味又抵食消夜推介!

最新吃喝玩樂資訊