女生享免費按摩變被免費摸 斥男按摩師專按胸＋凸起位置 私訊店家竟咁回應
KOL受邀享受免費按摩 到場發現按摩師為男人
事主為一位在 Instagram 上有一萬粉絲的 KOL，她日前突然出帖指被按摩店無理對待。她指出該按摩店早前推出優惠，「邀請高 Follow 嘅女仔免費去」，事主到達後先有一名男職員帶入店內，起初都不以為已，後來才發現店方正正安排了男按摩師給她，瞬間感到不安。而換衣服時更只有一個簾遮掩並只「拉到小腿的位置」，女事主對此感到擔心，因「唔知佢有冇睇到我換衫除內褲嘅畫面啦」。
男按摩師雙手在私密部位不停來回 事主感害怕但不敢發聲
在正式開始按摩後，男按摩師的手法更是令女事主非常愕然，稱對方先是按左腿，「但係佢一直按我臀部嘅中間位，一直係咁來回，我已經覺得好唔對路，正常按摩都唔會觸碰到私密位，加上佢話幫我按肩膀位，結果佢係咁按我胸部，兼胸部中間位置，不斷係咁來回摸。」在完成按摩時，按摩師主動為事主穿上袍，但當時事主的整個胸部都露了出來，令她非常害怕。
按摩店回應突然宣布停業
事主指自己公開事件是想為一眾女生討回公道，稱「我想要一個合理解釋，並且提醒各位女性小心，無理由去受呢個委屈」。事主更在帖文標籤了按摩店，按摩店亦回應了對方指「非常抱歉令你有不愉快體驗。首先，我哋可以向您承諾保證我哋並沒有任何隱藏鏡頭在店内換衣服位置，我們承認因為店舖太細更換衣服位置未能有獨立房間，令你感覺不安全我們非常抱歉，我們非常重視你的投訴，由男師傅替女客戶按摩的確有令人誤會的機會，這是我們想得不周全的地方，我們承諾不再犯同樣錯誤，並決定由即日起我們將停業直至另行通知」。
網民：受騙的那個比騙徒更混帳
事主的遭遇更被分享至討論區，有不少網民反指是事主的錯，是她太貪小便宜「見到男人按即刻走啦，點會痴線到俾佢按，免費都唔係咁」、「反正都免費點解唔走？」、「畀人綁X住走唔到？」；亦有網民認為事後公審沒有意義，「正常都即刻報警啦，返屋企先仲要打咁多字，好X無謂」，直斥「假到喊」，更有其他 KOL 分享對話指「按摩店當初有寫道『隨機安排男/女師傅主理』」，因此事主亦應知情。
不過事後女事主有再澄清，指因為自己一個人前往，當刻因太害怕而未有即時反應，「佢出嚟接我，我以戈入邊都會有女技師，加上當時得我一個我唔夠膽走，以為係正常，直到按摩時我先發現唔正常，我亦都係事後同Friend講佢哋都話唔合理先敢講」。
