打工仔生存之道一定要講大話　做嘢太快反而係大失敗　5大法則要識玩先得

打工仔教5招職場求生技能　要生存必須學識講大話

打工仔最怕遇到八婆同事及無良上司，有時他們在公司搞風搞雨，一心想賺錢努力工作的你永遠心諗「我只係想返工，唔好搞我喇！」惟這類人卻永遠存在，因此有打工仔教路4招職場求生技能，揚言要在辦公室生存必須先學識「做假人」、「講大話」，未知你又是否同意，又能否做到呢？

1.八婆同事面前扮Nice

每間公司總會有幾個八婆同事，是非當人情之餘更特別熱愛「生安白造」，到處「老作」同事壞話。因此，要在辦公室生存的首要技能當然是對付八婆同事，打工仔就教路在面對職場小人時，無論有多討厭對方，都要學識「扮嘢」，只要在公司對八婆同事扮Nice，對方就難以找到你的把柄，屆時就會知難而退。

2.老細永遠是對的

有好上司自然有無良上司，大部分打工仔的日常工作其實都是為了「湊老細」，耐何老細經常會有驚人的建議和要求，令打工仔苦不堪言。惟要在職場上生活，要先秉承「老細永遠是對的」理念，在能力範圍內盡量滿足對方要求。若然要求太不合理，亦應冷靜地向對方分析利弊，而非即時指出對方錯處，令場面變得尷尬。

3.放假放到盡

幾乎每間公司都面對人手不足的問題，因此一個員工要負責好幾樣嘢，有時其中一個同事放假即會令公司部分運作停頓。因此，不少責任心重的打工仔都會盡量避免放太長假，以免回來後要不斷執手尾。惟有打工仔則指出假期是員工的個人福利，必須學會維護自己的權益，在適當時候休息保持生理及心理健康。

4.完成工作切勿即刻交

有時上司突然交托工作，員工可能希望在盡快完成後給他過目，然後繼續做自己的工作，耐何工作天天都多，老細見你「做嘢爽手」，自然會將更多工作托付給你，令你工作量越來越大。故打工仔教路即使在限期前已完成工作，亦切勿提早繳交，反而要等到限期最後才表示完成，避免被安排更多工作。

5.扮無知先係皇道

打工最忌「咩都攬上身」，明知是大伏有些人總是不懂得拒絕對方，被人知道這個弱點鐵定會「恰到上心口」。要保護自己，扮無知是最好的方法，「係咩」、「真係㗎」、「我真係唔知喎」這三句被指是必勝句子，而語氣亦要「港女上身」，讓人感受到你的「真誠」。當面對賤格同事想推卸責任在你身上時，第一時間表示「咩嚟㗎，我從來無聽過嘅，要點㗎」，總之就問到對方嫌煩，「將個波畀返佢」。

要生存必先做假人 網民：誠實已經唔再值錢

以上5大職場生存法則引來大批網民熱議，有網民認為法則屬實，「要生存就要扮下嘢」、「返工有時就係做戲」，不過有網民亦不認同以上內容，覺得部分打工仔把職場「睇到咁黑暗」、「講大話俾人發現仲衰」，更怒斥「而家返工定做大戲呀」，隨後旋即有網民反駁，直指「你有無打過工」，更揚言「誠實唔值錢㗎喇」！