手機遊戲
手機遊戲

10大爆紅又極速消失的手機遊戲!網民:旅行青蛙、水果忍者一定玩過

熱話

廣告

想當年手機遊戲瘋靡一時,人人必玩!近日就有網民於討論區盤點十大爆紅又極速沒落的手機遊戲,相信當中很多款大家都曾經有玩過,一起來重溫經典吧!

盤點十大爆紅又極速沒落小遊戲

10.「Wordle」拼字遊戲

曾紅遍全球的拼字遊戲「Wordle」,由一位美國工程師Josh Wardle創辦,當時佢係因為女朋友好鍾意玩《The New York Times》上的填字遊戲而為女朋友打造咗呢款拼字遊戲。「Wordle」一推出時,因玩法簡單,極快風靡世界各地,每日喺IG都會見到唔少人出post用咗幾多格完成當日的單字,又或者同朋友一齊研究當日出咩字。不過呢個潮流喺香港好快玩完,而家基本上都再無見到相關討論!

手機遊戲 遊戲
(圖片來源:wordle截圖)
手機遊戲
(圖片來源:Unsplash@JoshuaHoehne)

9.Google form 達人挑戰

早前突然有網民整咗一份google form叫「香港地理達人挑戰」,隨即於網上瘋狂流傳,其後仲有「流行音樂達人」、「飲食達人」、「歷史達人」、「電影達人」等,人人齊挑戰,仲喺社交平台鬥高分!不過說時遲,那時快,迅間就玩完,熱潮簡單消失得無影無蹤!

手機遊戲 遊戲
(圖片來源:香港地理達人挑戰google form截圖)

8.《Pokémon GO》

2016年一款寵物小精靈遊戲《Pokémon GO》,一推出即熱爆全港,個個都拎住部手機喺街捉小精靈,做訓練員,雖然而家仲有人玩緊,不過討論度比起一開始真係減弱不少。

手機遊戲 遊戲
(圖片來源:《Pokémon GO》遊戲影片截圖)
手機遊戲
(圖片來源:《Pokémon GO》遊戲影片截圖)

7.「旅行青蛙」

2018年推出的一款手機遊戲《旅行青蛙》,當時又係風靡全港!《旅行青蛙》玩法簡單,只係俾嘢小青蛙,然後佢就會去旅行影唔同相返嚟,收集佢去唔同地方的照片。

手機遊戲 遊戲
(圖片來源:《旅行青蛙》遊戲截圖)
手機遊戲
(圖片來源:《旅行青蛙》遊戲截圖)

6.《Flappy Bird》

突然爆紅的《Flappy Bird》,簡單的設計以及玩法,被譽為手機遊戲奇蹟。《Flappy Bird》2013年5月上架,半年多後意外爆紅,不過全因開發者 Dong Nguyen一句「受不了」就突然於2014年頭就下架了,爆紅時間相當短暫,期後ig亦有推出過!

手機遊戲 遊戲
(圖片來源:《Flappy Bird》遊戲截圖)
手機遊戲
(圖片來源:《Flappy Bird》遊戲截圖)

5. Candy Crush

Candy Crush可說是經典中的經典,直至現今都有不少人依然有玩。遊戲玩法相當簡單,只要將三至五顆一樣的糖果排成一線,即可成功消除糖果並獲得分數,當中最刺激的是玩家只有5顆心心,只要失敗一次就會少一個心心,而每30分鐘才會獲得一個心心。若要短時間內獲得心心,最好的方法便是叫Facebook好友幫忙,因此當時到處都見到大家於網上求心心的情況!

手機遊戲
(圖片來源:《Candy Crush》遊戲截圖)
手機遊戲
(圖片來源:《Candy Crush》遊戲截圖)

4.「水果忍者」(Fruit Ninja)

水果忍者可謂iphone遊戲始祖,相信唔少果迷啱入手iphone時都有下載過呢款遊戲!遊戲又係非常簡單,只係於限時之內用手指切開水果。

手機遊戲 遊戲
(圖片來源:《Fruit Ninja》遊戲截圖)
手機遊戲
(圖片來源:《Fruit Ninja》遊戲截圖)

3.Draw Something

《Draw Something》就等於現時常玩的猜猜畫畫,玩家需要與朋友一齊連線玩,一個做估,一個做畫,當時網民都表示因此學多咗唔少英文生字!《Draw something》一推出幾個月就已經累積咗 3,500 萬的下載次數!

手機遊戲 遊戲
(圖片來源:《Draw something》遊戲截圖)
手機遊戲
(圖片來源:Pinterest@MelanieJudd)

2.《SimSimi》「小學雞」

《SimSimi》又稱「小黃雞」、「小學雞」的經典遊戲,2002年時推出,玩家可與與ai「simsimi」進行對話,「simsimi」仲有學習能力,可以發出學習訊息,「simsimi」就會因應問題答出相對應的答案,當時唔少網民仲會借以諷刺時弊以及示愛等。

手機遊戲
(圖片來源:simsimi遊戲截圖)
手機遊戲 遊戲
(圖片來源:simsimi遊戲截圖)

1.My Talking Tom

《My Talking Tom》又係一款iphone遊戲始祖,佢係一款寵物遊戲,可要求寵物貓Tom複述自己的說話及觸摸他。

手機遊戲
(圖片來源:My Talking Tom)
手機遊戲 遊戲
(圖片來源:《talking tom》遊戲截圖)

原文刊於:新Monday

網民盤點了哪些當年爆紅的手機遊戲?

多達10款!包括旅行青蛙、水果忍者、…

小遊戲嚟講旅行青蛙未算最經典?

是的,網民認為有更多更經典的遊戲,例如Talking Tom…

圖片來源:wordle、Unsplash@JoshuaHoehne、香港地理達人挑戰google form截圖、《Pokémon GO》遊戲影片截圖、《旅行青蛙》遊戲截圖、《Flappy Bird》遊戲截圖、《元祖菇菇栽培研究室》遊戲截圖、《Fruit Ninja》遊戲截圖、Pinterest@MelanieJudd、《Draw something》遊戲截圖、My Talking Tom、《talking tom》遊戲截圖