嘉禾戲院宣布推出「撈麵餐」 網民超反感：成間戲院都係味精味道｜玩樂熱話
廣告
最近在戲院睇戲終於可以入場進食了！嘉禾院線宣布在6間院線推出撈麵餐，不過撈麵餐推出後有大量網民熱議，覺得撈麵味道太強，在戲院內食撈麵會影響他人，亦有網民提議推出一人一火鍋餐！
嘉禾院線宣布6間院線推出「撈麵餐」
嘉禾院線最近宣布在6間院線推出「撈麵餐」，售價為$45的套餐，包括營多撈麵、芝士腸4條或魚肉燒賣4粒及汽水，嘉禾亦在Facebook開帖，「撈麵fans注意！依家開始，可以一邊睇戲一邊食惹味撈麵，喺視覺同味覺上都帶畀你最正嘅享受！」。
在戲院食撈麵好騷擾
不過有網民覺得在戲院食撈麵好騷擾，「要搵錢都唔係咁樣樣呀，又嘈又一陣味，小食都算啦，出動到撈麵」、「成間戲院，都係味精味道」、「有無諗過想靜靜睇戲既人感受」、「成個電影業比你攪彎哂」、「又可以去少條院線」。
網民：坐附近啲人聞到攻鼻
有網民表示一邊睇戲，一邊食撈麵，「咪成間戲院𠽌𠽌環廻立體聲」、「坐附近啲人，聞到攻鼻真係多得唔少」、「隔離位真係同時擁有視覺，味覺加聽覺」、「戲院食垃圾餐係特別好味嘅」，有網民覺得撈麵餐太貴，寧願去7-11食，「7仔三十幾蚊重有野飲又多樣餸」，不過有網民覺得撈麵餐比爆谷抵食， 起碼飽肚。
網民另類有趣提議
有網民食花生建議戲院下次可以整一人一鍋打邊爐，有網民希望可以有韮菜餃和杯麵選擇，網民更有其他另類有趣提議，「試下搞個貓山皇x可口可樂套餐」、「我希望出叉燒飯」、「請問幾時有放題食」、「一定好臭，聽到呢個消息我真係唔會再嚟，嘉禾睇戲，不如加埋臭豆腐」。
圖片來源：Facebook@Golden Harvest 嘉禾院線
