戲院
戲院

嘉禾戲院宣布推出「撈麵餐」 網民超反感:成間戲院都係味精味道|玩樂熱話

熱話

廣告

最近在戲院睇戲終於可以入場進食了!嘉禾院線宣布在6間院線推出撈麵餐,不過撈麵餐推出後有大量網民熱議,覺得撈麵味道太強,在戲院內食撈麵會影響他人,亦有網民提議推出一人一火鍋餐!

嘉禾院線宣布6間院線推出「撈麵餐」

嘉禾院線最近宣布在6間院線推出「撈麵餐」,售價為$45的套餐,包括營多撈麵、芝士腸4條或魚肉燒賣4粒及汽水,嘉禾亦在Facebook開帖,「撈麵fans注意!依家開始,可以一邊睇戲一邊食惹味撈麵,喺視覺同味覺上都帶畀你最正嘅享受!」。

戲院 嘉禾 嘉禾院線最近宣布在6間院線推出「撈麵餐」。
嘉禾院線最近宣布在6間院線推出「撈麵餐」。(圖片來源:Facebook@Golden Harvest 嘉禾院線)
戲院 嘉禾 售價為$45的套餐,包括營多撈麵、芝士腸4條或魚肉燒賣4粒及汽水。
售價為$45的套餐,包括營多撈麵、芝士腸4條或魚肉燒賣4粒及汽水。(圖片來源:Facebook@Golden Harvest 嘉禾院線)

在戲院食撈麵好騷擾

不過有網民覺得在戲院食撈麵好騷擾,「要搵錢都唔係咁樣樣呀,又嘈又一陣味,小食都算啦,出動到撈麵」、「成間戲院,都係味精味道」、「有無諗過想靜靜睇戲既人感受」、「成個電影業比你攪彎哂」、「又可以去少條院線」。

戲院 嘉禾
(圖片來源:嘉禾院線)
嘉禾 不過有網民覺得在戲院食撈麵好騷擾。
不過有網民覺得在戲院食撈麵好騷擾。(圖片來源:Facebook@Golden Harvest 嘉禾院線)

網民:坐附近啲人聞到攻鼻

有網民表示一邊睇戲,一邊食撈麵,「咪成間戲院𠽌𠽌環廻立體聲」、「坐附近啲人,聞到攻鼻真係多得唔少」、「隔離位真係同時擁有視覺,味覺加聽覺」、「戲院食垃圾餐係特別好味嘅」,有網民覺得撈麵餐太貴,寧願去7-11食,「7仔三十幾蚊重有野飲又多樣餸」,不過有網民覺得撈麵餐比爆谷抵食, 起碼飽肚。

嘉禾 有網民表示一邊睇戲,一邊食撈麵,「咪成間戲院𠽌𠽌環廻立體聲」。
有網民表示一邊睇戲,一邊食撈麵,「咪成間戲院𠽌𠽌環廻立體聲」。(圖片來源:Facebook@Golden Harvest 嘉禾院線)

網民另類有趣提議

有網民食花生建議戲院下次可以整一人一鍋打邊爐,有網民希望可以有韮菜餃和杯麵選擇,網民更有其他另類有趣提議,「試下搞個貓山皇x可口可樂套餐」、「我希望出叉燒飯」、「請問幾時有放題食」、「一定好臭,聽到呢個消息我真係唔會再嚟,嘉禾睇戲,不如加埋臭豆腐」。

嘉禾 有網民食花生建議戲院下次可以整一人一鍋打邊爐,有網民希望可以有韮菜餃和杯麵選擇。
有網民食花生建議戲院下次可以整一人一鍋打邊爐,有網民希望可以有韮菜餃和杯麵選擇。(圖片來源:Facebook@Golden Harvest 嘉禾院線)

圖片來源:Facebook@Golden Harvest 嘉禾院線