清潔工搭貨𨋢清垃圾 強國女住戶不爽連踢三腳
廣告
湖南長沙一名63歲清潔女工清理大廈走廊期間，嘗試勸阻強國女住客進入放滿垃圾嘅貨𨋢。但女住客唔理仲向佢潑水同連踢咗對方3腳。最後清潔工受傷住院，事件亦引起公憤，但女住客至今仍未道歉。
撰文：B｜圖片：討論區圖片
事發於上周六（11日），63歲的鄭姓清潔工於湖南長沙開福區富灣國際社區同一名女住客喺一部貨𨋢內發生衝突。從閉路電視片段可見，起初貨𨋢內有垃圾桶、紙皮等物品同一個綠色大垃圾桶。後來一名前來搭𨋢嘅強國女住客，將垃圾桶移到門外。𨋢門關上個時，清潔工就開門將垃圾桶拖返入𨋢，轉身清理地上物品。鄭女士表示自己正在清理垃圾，會有難聞的味道，建議對方乘搭其他升降機。
強國女住戶就堅持要乘搭這部升降機，仲突然發難伸腳踢翻垃圾桶。兩人拉扯之間，清潔工被女住客以水壺淋潑，於是拎起白色膠袋拋向對方還擊，強國女住客大怒之下伸腳連踢清潔工3下泄憤。
鄭女士表示「在電梯裏我就哭了，真的很心酸。」鄭女士指明明係按照規定工作，居然會俾人打。事後，鄭女士就喺物業公司人員陪同去醫院接受治療。
而整個爭執過程都有閉路電視影低，後來經確認係16樓一名住戶，至今佢仍然不願道歉及賠償。事發後公司亦都有進行調解，但對方並無改善態度，「她一直沒給我道歉。」
