網民：「毀壞貨幣犯法喎！」巴打1000蚊利是被整爛超崩潰
廣告
農曆新年係每個未婚打工仔同埋學生哥嘅出花紅日子，按照傳統，每人逗完利是後都會等到年初十六或以後先拆開，不過呢位網民就無咁好彩喇，皆因佢張「金牛」凍過水喇……
撰文：Evita | 圖片：連登討論區
巴打1000蚊利是被整爛超崩潰
日前有網民喺連登發布貼文，內容係話放咗封利是喺張枱到，點知畀屋企隻鸚鵡咬爛咗，仲問其他網友拎去銀行有無得換返。同時貼上一張被咬爛嘅一千蚊同利是封圖片，真係睇到都覺得肉赤啊！
樓主再發布一張只見到紙碎嘅相，並話隻鸚鵡咬到成地都係。
有自稱做銀行嘅網友就話如果張紙幣仲淨低75%或以上，拎去銀行驗過無問題後就會畀過張佢。於是……樓主好努力咁執返啲紙碎去砌。
有網友就話隻鸚鵡可能係想啄一千蚊上面印住嘅獅子，不過張銀紙擺喺利是封入面，照計鸚鵡應該見唔到隻獅子喎！
經過一返努力後，樓主已經將張「金牛」砌得七七八八，而唔少網民見到呢個發文都不禁留言回應，非常搞笑。
