大叔與輪椅母搭巴士車長拒落斜板遭爆粗辱罵！1原因卻獲乘客力撐｜網絡熱話

大叔爆粗辱罵車長掀罵戰

有網民出片，大埔一輛巴士的車廂輪椅位置已經有乘客使用，大叔與輪椅母上車，就安排母親坐在關愛座，隨即將輪椅摺起放在另一名輪椅客前，但就並沒有鎖好。車長上前要求大叔將所攜的輪椅摺疊鎖好，但對方卻屢勸不聽，似乎仍為車長在他們登車時未有放下輪椅斜板協助登車而深深不忿，續爆粗辱罵車長而掀起口角，引致其他乘客上前參戰，車長才步向駕駛座方向。從表面看來，似乎是車長的不是，但有網民指出巴士公司因安全問題而規定只能承載一名輛椅客，而車長是次為免大叔及其母再另候下一班車，經已通融，反遭辱罵。

車長通融反遭辱罵「好心着雷劈」

車長表示「已經畀你上車仲咁嘈！」，而該名男子則大聲反駁，「你大X晒呀？你話點就點？揸住雞毛當令箭！」，又批評車長沒有放下輪椅斜板供他們上落。車長即解釋指，巴士車廂一向「唔可以上兩架輪椅」，男子再次反駁「我咪放咗喺一邊」，又指「你最野蠻！有咩理由放塊板都唔放？」，期間大叔的母親曾一度勸解。

燥底大叔單人舌戰多名乘客

車長見大叔盛勢凌人，再問大叔「你想點樣先？」，並指或者報警處理，男子大喊「你係咪想打架吖？」、「你咪報警囉，咪坐車啦」。其他乘客看不過眼大叔「惡人先告狀」，紛紛高呼「你而家阻住我哋呀，先生」，又勸他勿阻礙車長駕駛，男子不理勸告，多次爆粗怒罵乘客及車長，甚至向在上層的乘客喊道「你落嚟評吓理？」，最終在多名乘客調停下，車長返回駕駛座，讓其他正在巴士站等候的乘客上車，片段就在此完結。

有人批評有人理解

影片引起網上熱議，不少網民批評大叔蠻不講理，「咁巴閉坐的士」、「車上有輪椅，唔可以上兩架，摺咗當貨就得？」、「阿叔冇落台階啫！又係為啖氣」，又認為車長無做錯；但亦有網民對大叔的行為表示理解，「 72如果上唔到就要等多半個鐘，反而我同情個乘客」、「天氣又熱又曬，推住個老人家等巴士，就算嘈成咁，佢對佢阿媽都係好好聲氣，其實佢可能都真出於孝心令到個人野蠻咗」，有人則指事件無需放上網公審，「公審嚟做乜吖，好小事啫」。

資料來源： FB@大埔 TAI PO