網上瘋傳巴士紋身影片 紋身師邊chok邊紋！網民：唔好咁癲！｜網絡熱話
廣告
在巴士經常都會遇到千奇百趣的事，最近有網民在巴士見到有紋身師幫人紋身，影片見到紋身師帶齊裝備，在行駛中的巴士進行紋身，有網民將事件拍成影片在網上瘋傳，網民紛紛表示驚訝，覺得紋身師太過隨便。
紋身師喺巴士公然幫人紋身
網上最近瘋傳一條由多條片段合成的影片，影片可見分別有兩名女紋身師在巴士為客人進行紋身，其中身穿白色上衣的紋身師戴上藍色手套和使用紋身工具，一邊戴耳機聽歌，一邊幫客人進行紋身，手勢相當純熟。
紋身師有齊各種紋身工具
雖然當時巴士正在行駛中，亦有其他乘客在車上，不過紋身師仍非常專注地進行紋身。影片引起大量網民熱議，網民紛紛怒轟紋身師好癲，有人更質疑如果紋身師失手，會令客人受傷。
在巴士紋身好癲
有網民表示曾經有見過在巴士上紋身，不過此舉好多人都覺得好癲，大鬧紋身師在巴士幫人紋身，好容易令傷口受感染，「點解咁心急，坐車時候都趕住纹身，有甚麼事丫」、「咁趕！唔怕空氣傳播病毒細菌咩？」、「急煞車唔知點算」、「應該巴士係流動纹身車，冇人察覺到」。
網民：妝都化唔到啦仲纹身
有網民表示在巴士連化妝都有困難，質疑紋身師如何可以在巴士成功紋到圖案，「吓，紋條龍都變條蟲」、「妝都化唔到啦，仲纹身」、「咁樣紋有4D效果？」。
在巴士成功紋身好神奇
不過網民都覺得可以在巴士成功紋身好神奇，「千其百怪都市人」、「申請咗健力士紀錄未」，亦有網民大鬧司機沒有阻止紋身師，「點解，司機係咪睇唔到，公眾地方影響乘客，大佬又會發生意外，竟然冇乘客出聲好嘢，淨係掛住影相」、「租都慳埋，性價比高」。
資料來源：Facebook@屯門友
圖片來源：Facebook@屯門友
