港女陪80歲老父等巴士被大媽插隊 出聲阻止反被中年乘客斥責：咁大架車爭咩
廣告
敬老是美德，但不少有點年紀、「食鹽多過你食米」的中年人士成為「樂悠卡」使用者後，就認為一切的便利是理所當然的。日前有女網民大呻在巴士站與80多歲的老父等巴士被插隊的不快經歷，當時女事主與爸爸在站頭排第一，但當巴士到站上客時，有位60多歲的大媽竟率先「搶閘」插隊，欲變成首位上車。當樓主開聲阻止，卻被附近也在等排隊上車的阿叔阿嬸反罵，令樓主大感無奈又憤怒，質疑是否應該對方「奉旨打尖」。
女兒與80歲老父排頭位等巴士 臨上車被60多歲大媽插隊
該女網民於facebook群組「青衣街坊吹水會」發文大呻，早前，與80多歲父親在青衣長青站等候巴士243M，因「送車尾」成為巴士站的首位候車乘客，但就在下一班車來到時，突然有位年約60多歲的大媽竟站在女事主的父親前面欲插隊上車，女事主即時以身擋住大媽，更直指對方「打尖」，「打我尖都算，打老人家尖真係離譜」。
女生出聲阻止反被排隊人士鬧：咁大架車，唔使爭嘅
女事主續稱，在附近排隊的「阿叔阿嬸」見狀，竟反過來指責她，「佢哋仲話咁大架車，唔使爭嘅」。樓主當時便向大媽怒斥：「你知就好啦，咁你又打尖」。但當時大媽未有認錯，令樓主大感無奈並直言：「其實最討厭就是打完尖仲理直氣壯咁；佢擺明打尖就係唔啱，我只是維護自己！如你真的有需要上車先，係可以同人講聲的，唔係打尖，唔係奉旨咁！而且，我開聲話佢先，仲唔認衰。」
網民不恥侍老賣老 教1招對付無禮大媽
事件引來不少網民討論，他們紛紛留言力撐事主，有網民教路1招對付不守秩序的大媽：「最緊要搵個patpat得身位，封住佢條路，仲要扮冇嘢」；另外有人不恥大媽所為，「啲人成日倚老賣老，大條道理」、「搭車排隊好正常，落地府就俾佢打尖啦」、「當面話佢：弱智唔洗排隊呀」、「尊重是要的，但尊重只需要留給應該受到尊重既人」、「大聲同佢講：如你唔排隊，我立刻報警」、「唔少老人家守規矩排隊！但有唔少老人家真係扮晒嘢，巴士又係咁，地鐵又係咁」。
資料來源：青衣街坊吹水會
關鍵詞
網絡熱話
圖片來源：TVB《愛回家之開心速遞》截圖、Netflix《社內相親》截圖
