搭巴士拉低口罩被後生仔見到嗌破喉嚨 阿叔唔順氣互罵挑釁：係咪要打！
巴士阿叔2.0！ 港男鬧爆阿叔拉低口罩搭巴士 全程對罵2分鐘影片曝光
一段巴士爭執的影片在網上瘋傳，雖然未有人指出事件的前因後果，但根據片中的對話內容，可以估計起因為一位巴士阿叔多次在車廂內拉低口罩，導致另一位眼鏡港男十分不滿，更出聲大罵。事件發生在九巴上層車廂，片中開頭由大叔旁邊的1位女士表示：「佢只不過拉低啲（口罩）」，而坐在斜後方的1名戴眼鏡男士即時反駁：「佢都唔淨係拉低一次啦」，令罵戰一觸即發。
中年婦人幫口無果 兩男罵戰一觸即發
從簡短對話中，疑似因為大叔在坐車期間多次拉低口罩，令坐在後方的港男感到不滿，於是出聲提醒，惟大叔可能認為港男多管閒事，先以粗口回應，隨即引發雙方罵戰。片中可見，大叔旁邊的中年婦人曾幫口解釋，向港男表示大叔因為呼吸系統不太好，才會拉低口罩呼吸，不過港男對此解釋就不太受落，而頻頻被指點的大叔亦終於忍不住反擊，怒罵「邊個叫你激動我先」，而港男亦旋即反駁：「我叫你戴好啲咋，我邊有激動呀」。
罵戰變互相挑釁 巴士阿叔：想隻揪？
二人不但頻頻以粗口「X你老X」攻擊，連身旁的乘客亦有幫口，令事件越演越烈。後來更發展成互相挑釁，大叔突然爆出一句「你係咪想隻揪呀」、「我好X好打！」，其他乘客眼前情況激烈，亦有人出聲勸兩人收聲，指出「其實好小事」，但仍然未能平息怒火，當有人要求大叔為講粗口道歉時，大叔卻堅持不「隻揪」，又嘲諷自己「幾十歲真係唔夠你打。」
用言語隔空隻揪 口出狂言：我預咗死
二人雖然不斷挑釁，但就未有真正動手，僅不斷用言語隔空隻揪，當港男指要「打X死你」時，大叔更口出狂言指「唔緊要呀」、「我預咗死㗎啦」、「你咪郁我囉！」，可能因為見大叔疑似情緒過分激動，港男表示對方「企都企唔穩」，又如何「郁手」，而大叔隨後亦拉開話題，直指「我費時害到成車人落唔到車」。
事件不了了之 網民：而家啲後生係防疫X
有關於二人罵戰的片段僅有約2分鐘，前因後果完全缺乏，亦未知二人最後結果如何。不過，因為這條影片在網上瘋傳，引來不少網民熱議。大部分網民的反應兩極，有人指大叔明顯是「典型廢老」、「覺得自己做乜都啱」、「大條道理」，更質疑他聲稱「呼吸系統有問題」、「但又咁好氣撩人隻揪」。亦有網民認為港男對抗疫「過分緊張」、「都咁多年喇仲咁驚」、「戴唔戴口罩都要管」、「抵俾人鬧」。
