巴士站
巴士站

巴士站有奇怪警方告示「Bus Stop,不Stop」街坊睇唔明咩意思! |網絡熱話

熱話

廣告

最近一張深水埗巴士站「Bus Stop,不Stop」的照片引來熱議,網民紛紛討論其意思,有人競猜是「叫巴士佬唔好停車?」、還是「叫新巴士唔准停九巴站牌?」,即睇答案!

深水埗巴士站出現奇怪告示牌!

有港人指近日在深水埗長發街的巴士站見到一個奇怪的告示牌,牌上寫著:「Bus Stop,不Stop」,而且放在站牌底部,令人更好奇到底是「寫畀比邊個睇呢」。港人搞笑表示雖然牌上只有4個字,但依然看不明白,「個個字我都識讀識寫,偏偏夾埋就係睇唔明」,疑惑表示不知道它想暗示「巴士佬唔好停車?」,還是「叫新巴士唔准停九巴站牌」,因此決定網上發問,求一眾網民解說。

巴士 深水埗長發街的巴士站出現一個奇怪的告示牌,牌上寫著:「Bus Stop,不Stop」。
深水埗長發街的巴士站出現一個奇怪的告示牌,牌上寫著:「Bus Stop,不Stop」。(圖片來源:Facebook群組@Mei Foo 美孚)

網民競猜真正意思!

帖子隨即引來大家討論,有網民也曾見過同樣的告示,但都是搲爆頭也不知其解,「我以為唔畀小巴佬埋站上客」、「諗緊係咪叫人唔好喺巴士站等車?」。當中最另一個奇怪位是告示牌的方向與行車線方向相反,網民笑指「你睇個方向就知係俾『對面線』睇」、「留返比司機睇倒後鏡睇」、「其實係俾上車嗰個睇XD」,不論是告示牌的方向還是內容都令人摸不著頭腦。

巴士站 巴士 網民競猜真正意思!
網民競猜真正意思!(圖片來源:《無法成為野獸的我們》劇照 )
巴士站 巴士 網民留言
網民留言:睇唔明啊!!!(圖片來源:Facebook群組@Mei Foo 美孚)

原來是警方告示!

有眼利是網民發現牌上右上角印有警徽,先揭曉原來告示出自警方之手,而右下角更是深水埗警區標誌。此告示是說「巴士站(bus stop)不能停(Stop)」,由於最近區內駕駛者違泊的情況嚴重,巴士服務或受影響,因此才有此告示牌提醒車輛切勿於在巴士站範圍內停車。

巴士 告示牌是要提醒車輛切勿於在巴士站範圍內停車。
告示牌是要提醒車輛切勿於在巴士站範圍內停車。(圖片來源:Facebook群組@Mei Foo 美孚)

不過網民就指告示欠清晰,需要經過再三思考先知箇中意思,「一開始我都唔知佢哋講咩,有人話畀司機睇,我先明佢…」、「其實我第一眼係以為講飛站」、「巴士站違泊嘛,我仲以為講咩」。

巴士站 巴士 不過網民就指告示欠清晰,需要經過再三思考先知箇中意思。
不過網民就指告示欠清晰,需要經過再三思考先知箇中意思。(圖片來源:TVB《鐵馬戰車》劇照)
巴士站 巴士 網民留言
網民留言(圖片來源:Facebook群組@Mei Foo 美孚)

資料來源:Facebook群組@Mei Foo 美孚

圖片來源:Facebook群組@Mei Foo 美孚、《無法成為野獸的我們》劇照、TVB《鐵馬戰車》劇照