巴士司機感地位卑微！獲善心婆婆安慰：無分貴賤最緊要唔做1件事｜網絡熱話
廣告
職業無分貴賤，講就講得多，不過又有幾多人會不帶有色眼鏡看人？最近，有網友就上載自己的坐車見聞，有位婆婆上巴士後，與車長閒聊，言談間之中巴士司機直指自己職業卑微，不過婆婆卻暖心大指「無你哋我點搭巴士，行行都係無分貴賤！」
巴士車長關心婆婆乘客！婆婆以英文回覆獲車長大讚
有網友最近在《屯門公路塞車關注組》發表自己的見聞，更大讚一名婆婆，指婆婆又善良又有智慧，婆婆的一席話更令他有感而發。事緣婆婆推著車仔上到巴士，司機亦非常關心婆婆，問婆婆為何不坐，婆婆回答「下一個站落了，咁啱又有Corner位俾我企，唔該車長。」車長大讚婆婆英文了得，婆婆亦謙虛指是孫仔教。
巴士司機感地位卑微！獲善心婆婆暖心回應 ： 行行都無分貴賤
之後車長都笑指自己是因揸巴士才識這個英文字，笑言自己地位卑微。婆婆聽後卻暖心回覆「唔好咁講，千祈唔好咁講，無你哋我哋邊有巴士搭，行行都係正職（無分貴賤），掃街的都係！」更表示自己經常教孫仔最緊要不要做違法事。
車長聽後感受尊重！
車長聽後非常感動，指「如果個個好似你咁就好，受人尊重，唔使俾人怨，今日當賺當一日。」而婆婆亦認為每日瞓醒對自己來說就是賺了一日，非常正能量。而婆婆的一席話，卻令網友反思司機亦應受尊重，於是於帖文感謝這位善良有智慧的婆婆。
尊重別人是美德 網友諷刺：今時今日先知？
婆婆的一句簡單道理，令不少網友大讚婆婆正能量，更指「身教好重要」，婆婆與孫仔一定感情好好。不過，大部分網友都指其實「尊重人的道理好簡單」，就算沒有這個故事，要尊重別人的美德，大家一早都要知一早都要做，並非今時今日才學懂。
資料來源：《屯門公路塞車關注組》
圖片來源：《屯門公路塞車關注組》截圖、《阿索的故事》劇照、ViuTV劇集《反起跑線聯盟》劇照、《尚氣》截圖
