【工廈食玩王】 觀塘 駱駝漆大笪地

熱話

廣告

有去開Outlet掃平貨嘅朋友,相信對 觀塘 駱駝漆大廈都唔陌生架啦!不過又知唔知道除咗Outlet外,呢度仲有好多正野等待大家去發掘呢?有食嘅、玩嘅、買嘅,入去Hea足大半日都得!

鄰近地鐵站 十分易去

駱駝漆大廈喺 觀塘 開源道,搭地鐵 觀塘 站B出口行過去都只係五分鐘,交通幾方便!大廈分為三座,買嘅食嘅多數都集中喺第一座或者第三座,所以平時Lunch time同放工時間呢度都幾旺下架!

IMG_1110

5樓品嚐雪糕杯子蛋糕

呢間ACO Cake,做開蛋糕訂造同埋event到會,近一個月出咗款雪糕杯子蛋糕,一杯要$43,唔算平,特別之處係同師傅講想要邊款口味嘅雪糕,佢就會揸主意揀埋配邊款口味嘅杯子蛋糕,Mix & Match概念幾有驚喜。

觀塘 店內設計簡單,有張枱仔,可以食埋先走。
店內設計簡單,有張枱仔,可以食埋先走。
觀塘 IV8A9387
雪糕嘅水蜜桃味好濃,蛋糕甜度剛好
水蜜桃雪糕配朱古力杯子蛋糕 $43
觀塘 雪糕芝麻味濃,蛋糕嘅香蕉味幾自然 芝麻雪糕配香蕉杯子蛋糕 ” width=”680″ height=”1024″ /> 雪糕芝麻味濃,蛋糕嘅香蕉味幾自然
芝麻雪糕配香蕉杯子蛋糕 $43
觀塘 雪糕嘅榴槤味唔算濃,配香蕉蛋糕食係幾夾 榴槤雪糕配香蕉杯子蛋糕
雪糕嘅榴槤味唔算重,配香蕉蛋糕食係幾夾
榴槤雪糕配香蕉杯子蛋糕 $43

 

IV8A9325

ACO Cake

地址:觀塘開源道60號駱駝漆大廈第3座5樓A2室(顯示地圖)

營業時間:星期一至日12:00pm-07:00pm

聯絡電話:2386 6368

7樓開Party玩通頂

Party room愈開愈多,可能因為出面食餐飯又要限時、唱K又傾唔到計,成班朋友有時真係Book間房,叫下到會,打下機,吹下水好過。呢間Party room每間房都有電視、遊戲機,玩3.5個鐘,平均每人$80-110左右,最緊要係可以24小時任book(一定要預先傾定,唔好傻更更walk in呀),同Friend玩通頂都得!

觀塘 IV8A9202
Kidult 以兒童樂園為主題,啱一家大細開Birthday Party。
觀塘 房內有多款唔同嘅服裝揀,可以著住影相。
房內有多款唔同嘅服裝揀,可以著住影相。
觀塘 Casino & Bar 比較啱成熟啲嘅朋友飲下野,傾下計。
Casino & Bar 比較啱成熟啲嘅朋友飲下野,傾下計。
觀塘 有大大張梳化,至啱就係打機啦!
有大大張梳化,識嘆就梗係打返舖街霸啦!
觀塘 Museum Party 嘅外貌唔算靚,但勝在只要問講負責人,佢就會借支噴漆俾你噴下牆,過下Artist癮。
Museum Party 嘅外貌唔算靚,但勝在只要問負責人,佢就會借支噴漆俾你噴下牆,過下Artist癮。
觀塘 IV8A9281
可以揀噴漆或者噴雪,記者試完覺得噴雪好玩啲,因為無咁大陣味。

Partyland Plus

地址:觀塘開源道62號駱駝漆大廈第1座7樓C室(顯示地圖)

聯絡電話:5931 8688

同場加玩 美少女戰士市集!

今個星期六喺Partyland Plus會有個同美少女戰士有關嘅市集!市集將會見到美少女戰士中古玩具、同人作品,仲會有手作人擺攤檔同工作坊玩。

觀塘 中古扭蛋公仔,可以戴落手指度玩,連埋蛋紙,依家比較難搵到。
中古扭蛋公仔,可以戴落手指度玩,連埋蛋紙,依家比較難搵到。
觀塘 二次創作BB口水肩
二次創作BB口水肩
觀塘 刻有Sailor moon 圖案嘅手作印章。
場內亦有印章工作坊,圖為刻有Sailor moon 圖案嘅手作印章。

 
Moon power 同人手作市集
舉辦日期:7月25日

時間:1pm-8pm

網頁:https://www.facebook.com/houseofmoon

1樓嘆鮮牛蛋治

呢間Shy Dance Cafe點解要改個咁怕醜嘅名?原本S、h、y拆開,就係「新香園」三個字嘅英文拼音第一個字母,呢度嘅老闆伍文生Issac(無錯,就係文生哥哥呀),佢就係新香園老闆堅哥嘅女婿,佢做嘅蛋牛治,都跟足岳父手藝,食落都有少少新香園堅記嘅味道喎!

manseng

觀塘 蛋邊好脆,牛肉有咬口,蛋漿加嚟充滿沙爹香嘅秘製醬汁令味道好豐富。 蛋牛治 $22
蛋邊好脆,牛肉有咬口,蛋漿加嚟充滿沙嗲香嘅秘製醬汁令味道好豐富。
蛋牛治 $22
觀塘 蛋皮夠薄,內有用茄膏、三色椒炒過嘅飯,蛋幾滑,但飯比較乾。 瑞士煙鴨胸蛋包飯 $45
蛋皮夠薄,內有用茄膏、三色椒炒過嘅飯,蛋幾滑,但飯比較乾。
瑞士煙鴨胸蛋包飯 $45

Shy Dance Cafe

地址:觀塘開源道60號駱駝漆大廈第3座1樓I室(顯示地圖)

營業時間:星期一至五 08:00am-04:00pm;星期六、日 12:00-05:30

聯絡電話:6677 3547

8樓掃50蚊5包日式零食

去得工廈,點可以唔掃下貨呢?呢間舖頭有齊日式零食、飲品,仲有各地急凍海產,買野有分原價會員價,似足阿信屋!最令記者心郁郁就係有50蚊5包零食,款式勝在夠多,有軟糖、餅乾、薯片等,零食控肯定荷包大出血!

【工廈食玩王】 觀塘 駱駝漆大笪地

觀塘 記者揀咗5包50蚊5包嘅特價零食試食。
記者揀咗5包50蚊5包嘅特價零食試食!
觀塘 四層芝士脆脆 超脆,芝士味濃! 推介度:★★★★★
四層芝士脆脆
超脆,芝士味濃!
推介度:★★★★★
觀塘 咖哩味脆條 咖哩味一般,都算脆。 推介度:★★★☆☆
咖哩味脆條
咖哩味一般,都算脆。
推介度:★★☆☆☆
觀塘 提子軟糖 外面有層衣,入面係充滿提子味嘅軟糖,雪凍食會更好食。 推介度:★★★★☆
提子軟糖
外面有層衣,入面係充滿提子味嘅軟糖,雪凍食會更好食。
推介度:★★★★☆
觀塘 牛油果芝士粟米片 無乜牛油果味,但好香芝士味同牛油味。 推介度:★★★☆☆
牛油果芝士粟米片
無乜牛油果味,但好香芝士味同牛油味。
推介度:★★★☆☆
觀塘 明太子薯片 鹹鹹地,有少少魚腥味,幾得意。 ☆
明太子薯片
鹹鹹地,有少少魚腥味,幾得意。
推介度:★★★☆☆
觀塘 日本皇帝蟹1kg套件 會員價:488 原價:568
日本皇帝蟹1kg套件
會員價:$488
原價:$568

青木町

地址:觀塘開源道60號駱駝漆大廈第3座8樓M室

營業時間:星期一至五 11:30am-08:00pm;星期六、日 11:30am-07:00pm

聯絡電話:2304 0737

2樓逛復古文青專區

平貨就掃完啦,我哋都會照顧埋鍾意復古風、慢生活嘅朋友仔。呢間小店舖位細細,但就收藏咗店主去世界各地搜集返嚟嘅物品,包括皮袋、手錶、飾物、古著等,產地來自美國、西班牙、泰國、北非,價位由百令蚊至幾百蚊不等,花多眼亂,就好都係慢慢行,慢慢揀。

IMG_1117

觀塘 美國陶瓷動物鏈咀(連鏈) $188
美國陶瓷動物鏈咀(連鏈) $188
觀塘 萬年曆頸鏈 $188
萬年曆頸鏈 $188
觀塘 北非突尼西亞羊皮背包 $880
北非突尼西亞羊皮背包 $880
觀塘 泰國手工牛仔手挽袋 $290
泰國手工牛仔手挽袋 $290

GeoGuide

地址:觀塘開源道60號駱駝漆大廈第3座2樓P室(顯示地圖)

營業時間:星期一至日12:00pm-07:00pm

聯絡電話:9478 5885

延伸閱讀
痴線價!$38任食 素菜 自助餐
動漫節 2015! Cute版Minions 新PS4 搶先報
《新假期周刊》電子書:
ios:https://itunes.apple.com/hk/app/xin-jia-qi-zhou-kan/id722179449?mt=8

Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!

最新吃喝玩樂資訊