工人姐姐每日搞小動作玩殘港媽 2日1小病狂寫信去入境處投訴：要點算？
港媽長文控訴被工人姐姐兩度投訴：真係好心累
近日，有港媽在 Facebook 群組「聘請工人姐姐關注組」，控訴自己被家中的工人姐姐兩次寫信去入境處投訴，指工人姐姐來了 8 個月間不停扭計，曾因家裡太多工作而寫信去入境處投訴，今日又再聽到相熟朋友的工人透露，自己的工人姐姐又再度寫信投訴，直言感到很心累，更指自己當初了很多錢請工人來港，加上隔離酒店的支出又等了很久，如今工人姐姐瘋狂扭計令她不知如何是好，更力數工人幾宗數。
工人罪項1. 周身病痛好易不適
港媽指出在工人姐姐剛來港時，「一開頭就話手敏感」，港媽帶她去看醫生後，「第二次洗廁所倒漂白水，話打開廁所板嘅時候不慎吸入左啲有毒氣體」，港媽即叫她去休息，她卻突然「衝左落花園打999」，港媽再幫她叫白車，醫護來到後卻表示她一切如常。再過一天，工人又表示「喉嚨好似有嘢叫我帶佢去睇醫生」，隔了幾日又指自己「背脊痛，話想拔罐針灸」，港媽更是請她去做針灸。
工人罪項2. 日日博加人工
港媽指工人一開始便投訴家裡工作太多，有一個BB及2歲小朋友，因此港媽便把人工升至 HK$5,000，後來工人更借錢交學費，港媽沒有要求她還。到了第三個月工人「話太攰唔做」，港媽即把人工加至 HK$5,500，之後工人卻依然「成日背後搞小動作，又成日博加人工」，更曾「同其他姐姐講我老公暗戀佢」，令港媽非常頭痛。
工人罪項3. 工作懶散多錯漏
工人的主要工作是照顧兩個小朋友，由於港媽是兼職人士每日只上班兩三小時，因此在家時會自己照顧小朋友。工人則要「執屋洗廁所拖地預備食材洗衫晾衫換魚缸水，有時幫我細仔沖涼，幫啲細路換片，餵奶，先生唔得閒湊哥哥返學先會叫佢幫手湊，有時陪佢哋玩氹佢地訓晏覺」，然而卻經常表現懶散，更指自己不會要求對方洗車，每晚 9 點左右即可休息。工人曾弄壞了洗衣機、蒸焗爐、碗碟，港媽都不曾要求對方賠錢，更經常送小禮物、俾利是工人小朋友、送衣服給工人等等，自問對對方很好了。
網民：根本係搏炒！
網民看到港媽的遭遇後，紛紛提議要解雇對方「炒啦！仲等」、「咁炒啦，一味死忍只會令到姐姐得寸進尺！」、「樓主換人啦，呢個姐姐嘅工作態度根本就有問題，你再加佢人工都無用」、「玩到篤背脊咁識玩，即炒啦」、「一陣佢幻想你老公搞佢就慘」，認為港媽太過忍讓了，必須快點炒了她免除後患。
