客貨車駛入山頂盧吉道禁區 轉彎位太窄無法通過一度被困｜玩樂熱話

司機揸客貨車駛入山頂盧吉道禁區

在昨日（16日）一輛客貨車司機疑因不熟山頂道路，用GPS導航時誤駛入盧吉道，期間駛至非常狹窄的轉彎位後，貨車無法順便通過，司機嘗試扭軚慢駛，但仍未能穿過彎位。最後客貨車乘客位的玻璃窗被鐵欄撞爛而爆裂，司機只好報警求助。警方到場後正聯絡相關部門及拖車公司，不過疑因技術問題車輛未能駛離。

轉彎位太窄無法通過一度被困

今早司機與朋友上山，再度嘗試將車輛駛走，路政署人員拆開部分鐵欄增加空間，最終客貨車得以駛出。有指事發位置被稱為死亡彎位，上年9月在盧吉道同一路段，亦有的士駛進後無法離開，而過去亦曾試過有客貨車因路面太狹窄而無法離開，最終出動消防員協助。該路段部份道段只有1.7米至1.9米闊，已被列為車輛禁區，盧吉道的民居如要在該路段進出，亦需向運輸署申請禁區紙才能在道路行車。

若11月17日下午4時左右，該貨車終於逃脫成功，不過從圖片可見該車已「甩皮甩骨」，全車刮到花晒，眾人見到都覺得心痛，大呼「成架車個殼都好傷啊」、「唔知以為打左幾個空翻」、「到底經歷過啲咩」。

網民：人總要犯同樣的錯

不少網民紛紛留言，「人總要犯同樣的錯」、「到底要衰幾多次先得，呢個位唔出名咩？」、「之前有個的士佬又係依度」、「路口是否有限制車輛駛入路牌？」，有網民曾在該路段行山，「未到鐵欄之前其實已經唔係好對路」、「唔對路就入後波啦」、「我老公P牌曾經揸過部上去！好彩落得返嚟」。

網民：依家架車有排你整

有網民食花生指揸車上山頂睇風景係型，不過「依家架車有排你整」，「下一世佢先過到」、「其實開快少少可以過到」、「有冇1個月新車？」、「都唔知為乜？唔係唔知好難過呀？有無咁白痴呀？搏上鏡」。