小王子
小王子

小王子現身香港 摸得又聽得雕塑展【金鐘好去處】

熱話

廣告

小王子電影即將喺聖誕檔期上映,但係小王子已經急不及待出現喺金鐘喇!由細睇小王子睇到大,但係睇到實物就真係第一次~

今次嘅展覽分成兩部分,分別喺LG1同L1兩層設有電影展覽同插畫雕塑展,粉絲們記得睇晒兩邊呀!

除咗影相位之外,現場亦都展出咗20多件電影道具同手稿,全部都係由法國飛嚟㗎!

呢度亦有小王子pop-up store,不過規模就有d細喇。

嚟到展覽部分,分開咗「The Little Prince Art Collection」同埋「The Little Prince In The Dark」,由法國藝術家將小王子插畫化為現實,以樹脂製作出雕塑作品。

記者咁大個女第一次見到3D嘅小王子同埋其他星球同角色,不禁係咁將佢哋同平面嘅插畫比較,發現像真度極高!

初初見到國王雕塑嘅時候,覺得點解整到佢咁醜樣,但係當行過少少離住側面嘅時候,就發現原來同原著入面嘅國王一模一樣!

「The Little Prince In The Dark」係特別為視障人士而設嘅展覽,可以透過觸摸展品同埋聽住小王子嘅朗讀版本,令佢哋更加了解小王子嘅故事。視力健全嘅朋友,亦可以欣賞喺紫外燈照射下好似識發光咁嘅雕塑,好夢幻好靚~

記者都係第一次聽住咁傳神嘅聲音去演繹小王子嘅故事。

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!