泳灘
泳灘

康文署周四起封閉所有泳灘 記者直擊封灘前「Last Day」!家長慨嘆:小朋友最後放電地方都無埋|玩樂熱話

熱話

廣告

康文署明起(17/3)封灘!喺啱啱過去嘅周末,天氣開始回暖吸引咗唔少香港市民前往泳灘消遣,但就引起內地網民批評,指現時疫情嚴重,泳灘人流密集隨時導致新一波疫情大爆發!鑒於第五波疫情嚴峻,康樂及文化事務署將會喺聽日圍封海灘禁止市民進入,咁講法即係今日(16/3)係封灘前最後一日,就等記者帶大家直擊情況啦!

周四起封灘!記者直擊泳灘「Last Day」

其實封灘已經唔係啲乜嘢新鮮事,喺2020年第三波疫情嘅時候,康文署亦一度圍封關閉轄下所有泳灘,不過第四波同第五波疫情就未有有關措施。而係剛過去嘅週末,有內地網民喺微博發文批評,本港疫情持續不下,但沙灘依然人頭湧湧,更反問係咪因為天氣回暖就提早「下水禮」?網民更用深圳作例子,內容提及深圳依家同樣受疫情威脅但反應迅速,立即全面暫停堂食,甚至停止不必要活動,強調十分不滿香港市民面對疫情嘅態度。

泳灘 周四起封灘!
周四起封灘!(圖片來源:新假期編輯部)

家長慨嘆:小朋友唯一放電地方都無埋

今日記者去過兩個泳灘,分別係青山灣泳灘同加多利泳灣泳灘,發現都有幾家人帶埋小朋友嚟沙灘放電,雖然人數唔似上星期週末咁多人,而且沙灘上每個人都戴好口罩,做足防疫措施。

泳灘 青山灣泳灘
青山灣泳灘(圖片來源:新假期編輯部)
泳灘 加多利泳灣泳灘
加多利泳灣泳灘(圖片來源:新假期編輯部)
泳灘 今日可能係平日,加上天陰有少少雨,但都有幾家人嚟玩。
今日可能係平日,加上天陰有少少雨,但都有幾家人嚟玩。(圖片來源:新假期編輯部)

記者分別訪問了幾位家長同小朋友,家長個個都話連沙灘都封埋,對小朋友而言可以去玩嘅選擇又少咗。另外,經常留喺屋企對佢哋心理生理嘅成長都有所影響。至於小朋友個個都表示唔開心,因為沙灘即將封閉冇得再來玩。

泳灘 呢位媽媽提到疫情期間,兩個囡經常留喺屋企變得懶散,更加唔願意外出或參與戶外活動。
呢位媽媽提到疫情期間,兩個囡經常留喺屋企變得懶散,更加唔願意外出或參與戶外活動。(圖片來源:新假期編輯部)
泳灘 呢兩兄弟表示冇得去沙灘,屋企仲有好多嘢玩,無咗沙灘唔緊要,但屋企冇嘢玩嘅小朋友就會好悶,無地方玩。
呢兩兄弟表示冇得去沙灘,屋企仲有好多嘢玩,但屋企冇嘢玩嘅小朋友就會好悶,無地方玩。(圖片來源:新假期編輯部)
泳灘 呢三位小朋友表示今日會盡情玩因為係最後一日!
呢三位小朋友表示今日會盡情玩因為係最後一日!(圖片來源:新假期編輯部)

疫情下小朋友好多時都宅在家避疫甚至用Zoom等程式上堂,有專家指疫情期間對小朋友嘅健康發展同心理發展都有所影響,如果小朋友嘅行為有別於日常,家長必須細心觀察同主動慰問及了解,如有需要可向學校社工尋求協助。

泳灘 妹妹好興奮不停喺度刮痧,因為屋企冇得玩呢啲。
妹妹好興奮不停喺度刮沙,因為屋企冇得玩呢啲。(圖片來源:新假期編輯部)

康文署有幾月幾號起封泳灘?

3月17號,星期四。

是否康文署所有泳灘將封灘?

正確,康文署核下所有泳灘將會禁止市民進入。

圖片來源:新假期編輯部