最寒酸婚宴經驗！網民分享：去飲食三色豆、限飲每人一罐汽水｜網絡熱話

婚宴主人家勁孤寒！每人限飲一罐汽水

樓主表示，自己後生，去婚宴的機會不多，但有一餐令他特別深刻，他憶述，當時去到婚宴現場時，見到「枱面一人一罐汽水」，樓主以為汽水可任飲，於是未開席已喝完，開席時想問侍應多拿一罐時，侍應回應「一人一罐」，樓主心想「咁孤寒，飲野錢都慳埋」，但又真的很想再喝，於是表示可以自己付錢買，但仍遭拒絕，「結果開席得熱茶同熱水飲」，令他非常難忘。

網民爭相分享！一人一個最寒酸婚宴經驗

文章一出即引來不少網民分享「一人一個最寒酸婚宴經驗」，其中一位網民表示多年前有親戚試過在唐樓天台擺酒，結果「好X熱，差D中暑」；有網民去過一些在細場舉行的婚禮，指「啲嘢食係小學生大食會級別，有菠蘿腸仔」，真正有集體回憶。

也有不少網民分享孤寒主人家，沒有按人數點餐，結果出現10個人分5個餐、全晚只得4樣菜式等「食唔飽要之後再自己出去食嘢」事件；亦有網民同事擺酒時「搵到朋友清倉散紅酒，$10/支」，更拍心口保證「話試咗幾好味，叫我哋到時任飲」，結果網民試飲一啖後認為那是「人生最難飲嘅紅酒」！

網民分享：親戚去大快活擺酒 賓客要自己搵位

另一網民分享一個終極寒酸婚宴個案：「親戚窮到派帖叫人去大快活食lunch」！樓主憶述時表示，當時收到貼上寫著「大快活食餐飯賀結婚」已經覺得有點怪不想去，但因為之前樓主姐姐結婚時，親戚一家做了禮金再送金，所以這次基於禮貌也有去，但就全家只派父親做代表，沒想去到時才知道要「自己霸枱」，然後「主人家企係收銀機到負責俾錢」，而回禮方面他們也有做足。

「對新人開席前仲喺水吧位拎左一大箱獨立包裝牛油，逐個位放一粒做回禮禮物」，非常有創意！更絕的是，到敬酒環節時，「對新人走去水吧問人拎盤水，逐張枱去『敬茶』」，結果樓主父親回家後「X晒鬼，俾左五舊水食大快活」。大家又有沒有更爆的婚宴經驗分享？

資料來源：連登