女友
女友

港男第一次上女友屋企瞓 結果被指要收返10蚊!男友呻孤寒女友咩AA制太誇張!|網絡熱話

熱話

廣告

情侶之間相處模式各有不同,有情侶會AA制,所有錢都計清楚,亦有情侶不分你我,你一餐我一餐。最近有男網友表示第一次上女友屋企後,因為用過女友屋企的防疫用品,女友表示要收$10,令事主大呻女友太孤寒!

孤寒女友乜都要AA

最近有男網友在討論區大呻女友太孤寒,事主表示一直都知女朋友好在意錢,出街食飯一定是AA制,不會你一餐我一餐,「所有嘢會除番一半,咁我都覺得ok,冇問題嘅!」但最近事主第一次上女友屋企瞓,結果隔日女友問事主拎返10蚊,「佢話10蚊係因為我攞咗佢一個口罩嚟用,用咗佢啲酒精消毒,飲咗水,雖然都係十蚊,但聽落真係覺得好似有啲over咗!」

女友
(圖片來源:Dcard截圖)
女友
(圖片來源:TVB《香港愛情故事》截圖)
女友
(圖片來源:TVB《香港愛情故事》截圖)
女友
(圖片來源:ViuTV《K大叔的愛》劇照)

有網民表示女友行為太癡線

有網民表示雙方未正式同居已經用這個模式相處,到結婚之後要小心,大家都應該傾下之後要如何相處。亦有網民指其實兩個人一齊不應計較這麼多,「就叫我哋,唔係叫我同佢,你會唔會用完自己張紙巾,係自己銀包拎1蚊出嚟,再放返入自己銀包?你女朋友飛得,但唔係因為小家,係因為唔合適拍拖,都一齊咗,仲係度分你我」

女友
(圖片來源:Dcard截圖)
女友
(圖片來源:TVB《香港愛情故事》截圖)

網友:叫佢下次提供個價目表俾你

有網友從事主女友角度討論,「喺佢立場嚟講,冇叫你比返租都已經好大方」,網民亦理性分析雙方平日相處模式,如果事主唔計大時大節,有送禮物給女友,而女友這樣都計較就有點過份,「叫佢下次提供個價目表俾你,廁紙每格幾錢,水每杯幾錢,口罩每個幾錢,酒精噴一次手幾錢,供你下次再上佢屋企時跟。」

女友
(圖片來源:Dcard截圖)
女友
(圖片來源:Dcard截圖)

網友建議事主應該與女友分手

不過大比數網友都建議事主應該與女友分手,「我男朋友係咁嘅話,我實分,金錢觀依啲嘢溝通都冇用」、「係咪去食飯你飲佢杯嘢一啖都要收返1毫子?」、「咁識計數,結咗婚你有排捱」、「呢種程度已經唔係在意錢咁簡單,唔只over,仲好有問題。」

女友
(圖片來源:日劇《逃避雖可恥但有用》劇照)
女友
(圖片來源:Dcard截圖)
女友
(圖片來源:Dcard截圖)

資料來源:Dcard

圖片來源:Dcard截圖、TVB《香港愛情故事》

最新吃喝玩樂資訊