網民爭論電單車違泊行人路阻街！反被怒轟自私正義L：有位邊個想泊街？
廣告
通常喺網上揭發不公以及違例事件，為受害者吐一口冤氣嘅行為通常非常被網民受落，但方寸拿捏不佳嘅時候反而會被批評雙重標準！近日就有人投訴行人路上違泊電單車阻街，不單止不被大家所理解，樓主更被指只想呃like同批鬥電單車駕駛者，而忽視現今車位短缺嘅問題，而充滿幽默感嘅網民回覆仲增添不少趣味！
網民爭論電單車違泊行人路阻街！
結果反被怒轟正義L：有位邊個想泊街？
該帖發放於「香港泊車L」群組上，相片入邊可見喺天水圍天龍路上有兩架電單車泊咗喺行人路花槽附近，樓主就投訴咁樣泊法「好影響小朋友放學同老人家輪椅出入，其實天水圍仲有好多位都可以泊」，仲話佢哋「搵花花草草擋住避抄牌」咁話！相入面雖然見唔到小朋友同坐輪椅嘅老人家，但就清清楚楚見到兩架車嘅車牌。
有人指出天龍路附近有間幼稚園，嗰條路的確有好多小朋友出入；但有人就唔明，其實解決方法好簡單，就係打電話去交通部投訴，影相上網公審根本冇用；而搞笑嘅網民就問究竟天水圍放學嘅小朋友究竟有幾大份，明明條路咁闊點解會阻住佢哋？仲有嗰啲老人家，其實係咪輪椅界拓海，竟然以高超嘅技術用輪椅來行坑渠蓋同埋去水位，睇到小編覺得網民真係好有創意，好可愛！
另外有人就懷疑樓主雙重標準，有電單車經驗嘅人一定知道街位一位難求，而停車場位早已爆滿，樓主所講天水圍仲有好多位係咪即係泊喺其他街唔阻住樓主就得？亦都有街坊指出其實天龍路人流唔多，眼見電單車已經盡量貼埋一邊，已經唔算好阻到人。佢有網民指出「有頭髮邊個想做瘌痢」嘅道理，街泊其實好危險，但因為地契嘅問題，好多停車場就算你有錢都唔可以俾你將部電單車泊係私家車位！
該位網民為何事而發帖？
網民看到兩架電單車停泊在行人路上，於是拍照，並指…詳情
其他網民點睇？
其他網民指如每個人都有固定車位，根本不會泊街，並提出了一大問題…詳情
圖片來源：FB@香港泊車L
