天氣凍女友懶得沖涼頭油多到識反光！男友1蠢招解決被網民笑爆｜網絡熱話

污糟女友懶沖涼 裝浴室寶都無用

男事主在《香港討論區》發文，女友一向不愛沖涼，連在夏天她也會連續幾日不沖涼；這陣子寒冷天氣下，女友懶得沖涼的情況更趨嚴重，「見到佢個頭油到好似識反光咁」，男事主甚至在廁所安置浴室寶亦無用；

他見天氣預報未來一星期仍然寒冷，為怕女友真的可能會破紀錄「一個月唔沖涼」，因此出奇招利誘女友，「只要每日肯沖涼，就每日畀佢碌我張信用卡一次。」

利誘女友策略成功 但成本高企

男事主發現利誘女友的方法奏效，出招後的兩天接連收到消費短訊通知，牽涉支出由幾百至幾千元，男事主不禁有點後悔，「女友真係一啲都唔錫住我張卡」，但一言既出，駟馬難追，男事主對現在女友肯沖涼稍感安慰，「個頭都唔油」，但一想到下個月要還卡數就不禁有點擔心。

網民唔沖涼直呼噁心 男事主蠢招玩死自己

有不少網民都對女友懶沖涼的壞習慣直呼噁心，「大陣鹹魚味」、「10幾度係涼唔係凍，唔沖澡咁污糟」；有網民更直言，「女人碌卡，無底深潭，準備申請破產」，也有網民半帶嘲諷地獻計，「通知佢開咗帖，可能有幫助」。

原文：

資料來源：香港討論區