港人炮轟大尾篤單車店每小時收費高達3位數！網民批評黑店：好過去搶！

大尾篤單車黑店疑雲 家庭車每小時收費高達3位數？
網民批評收費好過去搶：好多人都喺度中過招

不少家庭都趁著好天出去單車遊，不過就有網民最近在facebook群組「on9仔女同盟會」專頁發現大尾篤有單車黑店，叫大家千祈唔好幫襯。

帖文主要內容指，事主在單車熱點大尾篤中，遇到單車黑店，本身想租新款家庭車，問價時店中職員說：$150租一個鐘，本身指遲少少無所謂。點知還車時事主遲了大約10分鐘，就被要求多給一小時的租車錢，即多$150，合共$300。後來店方所稱的「遲少少」的定義引來質疑，是一兩分鐘，抑或十分鐘，還是只是數十秒？

事主不忿，質疑店家根本沒有一早講遲咗要多給一個鐘錢，否則事主一定不會遲10分鐘。因為事主抱住小朋友同阿姐理論，小朋友因而受驚，唯有「焗俾」，但就指一定無下次！

後來事主回想起之前在大尾篤租車都被黑店「明屈」。事主上次租了另一部$100個鐘的單車，當時店中阿姐和事主講一個鐘不夠玩，最後事主就租了$180租兩個鐘！在還車時，就見到有人報警，當時有警察在店中調停，想不到今次「屈客事件」就發生在他自己身上。

「屈客事件」網民：原來好多人都「瀨過嘢」

帖文一出，引起大批網民熱烈討論。好多人發現原來好多人都「瀨過嘢」，被這間大尾篤黑店「明屈」過，並齊聲聲討這間大尾篤黑店！

有網民指，本身黑店收費已經勁離地，普通單車都 「＄150一個鐘咁貴….」、「原來咁x貴，一架車先3千幾5千，一個鐘#150，幾好搵喔」。部分網民就指：「由於太耐無租車，原來依家唔係計全日租，仲要咁貴！」「$150一個鐘，架單車鑲金㗎？」

有人就表示，黑店收費不合理。就算是租Loco bike半個鐘計都比較平，一個鐘$150真係好過去搶……亦有人表示：「淘寶幾百蚊都好踩過租果啲啦」。

部分精打計算的網民就建議好好用租車費：「150一個鐘。不如call gogovan 來回。拎自己單車入去更好」、「$150蚊入油，車屋企人遊車河不如」