「譚仔話」大媽闖上手機維修店！白撞要求免費整2G電話！店員唔整無辜被威嚇「小心啲啊」｜網絡熱話
廣告
大媽講「譚仔話」喺米線店聽到會覺得親切，但有名從事手機維修的網民投稿分享，喺店內被一名白撞嘅鄉音大媽爆粗問候，仲要求免費整舊款2G手機，令佢感到相當無奈，引起網民熱議。
鄉音大媽闖入鋪 手機維修員無辜被罵
從事手機維修的樓主投稿指，當日有一名有獨特鄉音的大媽闖入鋪頭，手中拿著揭蓋式的2G手提電話，向店員不問情由爆粗漫罵。大媽表示買了電話不久就壞了，要求樓主負責，樓主補充指其店鋪只有維修服務，沒有出售電話，所以肯定該舊式電話並非其店舖的產品，故問該名大媽是否去錯地方，大媽卻一直堅持：「我肯定係呢度，我識你老闆，你老闆男人嚟丫嘛！」
店員要求收手工費 大媽惡言：你小心啲呀！
樓主不想爭論，實事求是向大媽表示：「我可以幫你免費檢查，但要收零件同手工費！」大媽爆粗又依然堅持手機是在店舖買，所以樓主要包免費維修，樓主再三強調，顧客須出示單據証明電話是該店舖的產品及保養期仍然有效才可免費維修：「除非你比到單我證明部機係我公司買，而且未過保養。」但該大媽卻仍惡言相向：「我識好多人㗎，你小心啲呀！」一面漫罵，一面離開。
網民鬧爆：連客都不是喎
網民都戥樓主不值，無故被罵，直指該名大媽「連客都不是喎」、「唔係西客吖，都稱唔上客，西人啱啲」、「已經唔係西客，係癲客」、「很多呢啲人，唔係人到買走來人到嘈」、「呢個擺明係中客，點會係西」。
原文刊於：Gotrip
圖片來源：TVB《愛回家之開心速遞》截圖、FB@Hispitality · Just for fun截圖、YouTube@PAVLO Gold截圖
