泳客大埔龍尾灘捕捉大量海星 仲要扮聽唔到!網民大鬧離晒譜!|網絡熱話
廣告
最近越來越熱,不少市民都會去海灘游水消暑,最近有網民在大埔龍尾灘游泳時,見到有泳客捕捉一堆海星,網民已即時阻止,但對方則「扮聽唔到」,更有網民鬧爆泳客無公德心!
泳客大埔龍尾灘捕捉大量海星
有網民在Facebook「大埔 TAI PO」發文,表示上周六(23日)到龍尾灘游水時,見到有泳客手上拿著多隻海星,網民不滿泳客捕捉海星,破壞生態環境,「游水還游水,捉晒啲海星上嚟曬太陽好好玩?」。
![海星 有網民在Facebook「大埔 TAI PO」發文,表示上周六23日)到龍尾灘游水時,見到有泳客手上拿著多隻海星。](https://imgs.weekendhk.com/wp-content/uploads/2022/07/-2022-07-28-4.46.55_144133198462e24e648fc6b.png)
網民指責捕捉海星好殘忍
不少網民紛紛留言,覺得泳客捕捉海星好殘忍,「諗住拎返屋企煲湯?」、「好威咩,徒手捉條鯊魚,我就話你威喇」,有網民批評泳客無公德心,「仲要攞咁多隻,想點」、「好離譜」、「好多人對大自然一啲唔認識,為享樂開心,對大自然破壞都唔知」、「呢啲人類只會令地球同地球生態步向滅亡」。
![大埔 海星 網民不滿泳客捕捉海星,破壞生態環境,「游水還游水,捉晒啲海星上嚟曬太陽好好玩?」。](https://imgs.weekendhk.com/wp-content/uploads/2022/07/signal-2022-07-28-164912_001_114067846562e24f2c6278d-726x1024.jpeg)
攞個海星上嚟完全純粹玩樂
不過有網民又指出「釣魚、摸蜆、Chok墨魚又好唔好玩?好奇問下個標準點定義啫」,有網民回應覺得分別不大,「但應該起碼釣魚會食,咁切合返大自然原因果腹。但佢攞個海星上嚟,一上嚟就死,完全純粹玩樂。如果釣魚摸蜆純粹玩樂,整死佢掉返落海,咁就同嗰泳客冇分別」。亦有網民反駁「你講呢三樣嘢都係有食用價值,以此為標準既話,海星呢?莫非有壯陽養陰價值?」。
![大埔 海星 不過有網民又指出「釣魚、摸蜆、Chok墨魚又好唔好玩?好奇問下個標準點定義啫」。](https://imgs.weekendhk.com/wp-content/uploads/2022/07/signal-2022-07-28-164912_003_185137425062e24f3da0838-728x1024.jpeg)
海星離開水面會難以呼吸
有自然保育人士表示,觸摸海星後手上的細菌會直接傷害牠們的軟組織,亦不建議市民拿起海星拍照,海星離開水面會難以呼吸。大家到海灘遊玩時,欣賞海洋生物的同時,記得不要破壞生態環境呀!
![海星 大埔龍尾灘。](https://imgs.weekendhk.com/wp-content/uploads/2022/07/-2022-07-28-4.51.22_147881909462e24e277286d-1024x807.png)
資料來源:Facebook@大埔 TAI PO
圖片來源:Facebook@大埔 TAI PO、GW拍攝