大埔港女不問自取暴雨下擅取店門前雨傘 店方發片尋人後續咁做？

港女暴雨下擅取店門前雨傘店方發片尋人

近日瘋傳一段影片，大埔有女子疑因下雨及沒有帶遮，擅自取用放在店門前的雨傘，該店職員發現後，於下午約2時在facebook「大埔TAI PO」群組上載有關閉路電視片段，無奈表示「小姐，你借用完把雨遮麻煩拎返落舖頭，唔該晒」。網民得知事件後，紛紛斥責該女子「不問自取，是為賊也」，更有人指「成個大埔形象被妳搞『彎』晒喇」、「好心啦，問句聲有幾難」、「佢真識攞，攞把咁大把又咁靚」，並建議店方報警處理。

店主澄清已歸還！

事發數小時後，店舖刪去相片更新帖文，指涉事女子已歸還雨傘，指她已道歉及解釋了原因，呼籲網民刪相「小姐已經還咗雨遮畀我，多謝大家關心，相同片我都會刪去，無謂再發酵落去，亦都請各位大埔友高抬貴手可以刪去舊有照片，多謝大家」。

不過仍有部分網民對於該女士「不問自取」擅取他人物品的做法感到嬲怒，稱「還番把遮就可以當冇事，以後任攞」、店方則重申「小姐親自嚟還雨遮，亦解釋咗原因，亦無提任何條件，我接受解釋後係明白，所以都希望大家高抬貴手」，店舖強調絕非博宣傳。