大埔
大埔

【掃街王】大埔新夜市!蚵仔煎+巨人豬手 抵食必試推介!

熱話

筆者係正宗大埔人,由出生開始就喺大埔居住大大話話都二十多年,不過對太和街市印象不大,曾聽過住太和附近的朋友投訴過無野賣,近幾日得知原來領展的太和街市完成大翻新,裝修之餘更重新規劃,引入多個食肆和零嘴小賣店進駐,圖打造一個大埔新夜市,於上月尾正式試業,筆者一知道就率先同大家試試味,即睇以下試食報告!

1.超夯耶!正宗台味蚵仔煎!

你又點估到,一個街市入面嘅小店,居然都找來台灣媽媽主理,台媽強調原材料盡可能由台灣進口,力求正宗台味,以蚵仔煎為例,太白粉漿與獨門漿汁皆由台灣進口!即叫即製,蚵仔煎呈半透明狀,軟糯有拉絲效果,有口感而不黏牙,醬汁鮮而不過濃,果然正宗!其他台灣常見食物如焢肉飯、魯肉飯、大腸包小腸一樣有,價錢算公道,必試!

2.巨人豬手 厚肉Juicy!

此店開業首個星期已提早收工,點解?巨人豬手太好賣!早已在小西灣大賣的豬手王,自設廠房每日鮮製,巨大豬手配上秘製醬汁,黑椒味唔算太重,肉質頗有咬口。

3.碩果僅存 臉咁大南乳燒餅

此餅店主打懷舊「老餅」,老婆餅、雞仔餅、香蕉糕等都有賣,不過最吸引筆者的眼球的則是臉咁大嘅南乳燒餅,南乳炆豬肉,煮菜你食得多,做燒餅你就未必試過,食落南乳味重帶酥香,才$3塊,又是窮人恩物。

4.街坊推介 皮脆香燒鵝

與筆者結伴同行的攝影哥哥,同為大埔人,見到此燒味店已叫記住必試,大讚其燒鵝皮脆油香卻又食極不膩,臨近放工時份已見人山人海,明顯是街坊們加餸斬料的必然之選。

5.抵食日式串燒

一貫平民乜都有的和食店,拉麵、定食和串燒有齊,串燒算抵食,劃一價才$12,即叫即燒,定食和拉麵沒多大特別,在此就不特別推介了。

6. $18支抵飲果汁店

作為唯一的飲品店,果汁既出奇地多選擇和抵飲,蜜瓜、西瓜、西柚、奇異果等同賣$18支!

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!

最新吃喝玩樂資訊