14粒「有腳香印提子」破殼而出　網民嚴正警告要全捉回來　專家教咁做

Mar 24 2023

春天又到，港版大埔名物「香印提子」又要出沒，每次發現呢 14 粒香印提子一定代表你無運好行！有網民就發現自己件衫出現免費「香印」，可惜每顆都已經空空如也，睇嚟已經完全熟透離開個殼！另外都有網民發現淨低 8 粒「香印」，有 6 粒唔見咗大為緊張，你今年又見到「香印」未呢？

14粒大埔名物「香印提子」出沒注意！　走甩1隻後果嚴重

早前有人以「呢隻咩蟲嚟」為題，稱家中發現蟲卵空殼於是在網上向大家求救。在帖文中的相片可見1條毛巾上出現2隻比細小昆蟲，而另一張照片則看到3排14粒的蟲卵及變為白色的空殼。其後網民指出其為「大埔名物」臭屁蟲，提醒事主「你見唔到嘅應該仲多，附近衣物可能都有」，亦有網民指「一定要捉哂，好耐以前返學搭車前面企咗個男人，佢件衫又係不停走出呢隻蟲喺到爬來爬去，有啲爬完出嚟有啲又爬返入去，起碼十幾隻。

大埔名物網民發現毛巾上有兩隻細幼蟲出現 — 網民發現毛巾上有兩隻細幼蟲出現（圖片來源：Facebook@大埔友）

由於太嘔心同恐怖，四圍啲人都全部望住晒，個男人係咁捉黎捉去但都不停有蟲爬出黎，係童年陰影」、「之前試過踩死咗佢即刻勁臭」。其後事主表示暫時親手捉到其中11隻幼蟲，但其餘3隻均找不到，相當無奈。另外亦有網民指在衣服上發現理應14粒為一排的蟲卵但只有8粒，其餘6粒不知所蹤。

大埔名物 14粒蟲卵已破殼而出 — 14粒蟲卵已破殼而出（圖片來源：Facebook@大埔友）

大埔名物有網民發現少了6粒蟲卵 — 有網民發現少了6粒蟲卵。（圖片來源：爆廢公社）

大埔名物亦有人曾經喺屋企窗邊發現幾百粒蟲卵！ — 亦有人曾經喺屋企窗邊發現幾百粒蟲卵！（圖片來源：家居維修交流平台@FB）

臭屁蟲具攻擊性！

本身是生態專家的應用格物研究社社長張瑪珊指，其實這些貌似香印提子的是椿象蟲卵，即我們所指的臭屁蟲。每逢春夏之間，天氣潮濕，牠們便會開始肆虐，最常出現於衣服上，通常每次會誕下14粒蟲卵，約2周後會接近破殼成蟲臭屁蟲卵。臭屁蟲不論幼蟲或成蟲都以吸食植物汁液為主，最常出沒於荔枝樹等植物及環境黑暗的地方，若居住環境接近郊外或種植較多植物時，臭屁蟲便易於選擇其為產卵地點。晾衫時，臭屁蟲或會在衣服上產卵亦不足為其。